Një zhvillim rrënjësor do të ndodhë me median sociale Facebook, pasi kompania do të heqë përfundimisht teknologjinë e njohjes së fytyrës, duke fshirë kështu të dhënat e mbi 1 miliard përdoruesve në gjithë botën.
Shqetësimet e shumta sociale mbi mbledhjen e të dhënave, shtynë drejtuesit e kompanisë të marrin këtë vendim.
Teknologjia ka të bëjë me identifikimin e fytyrave në fotot e hedhura nga përdoruesit. Në bazë të saj, Facebook sugjeron etiketimet e ndryshme të personave.
Gjithsesi, rregullatorët duhet ende të shohin legjislacionin e duhur, që duhet ndjekur për marrjen e hapave të tillë.
Faktin e ka pohuar edhe nëndrejtori i departamentit të inteligjencës artificiale pranë Facebook, Jerome Presenti.
“Për shkak të kontradiktave, po e limitojmë në minimum njohjen e fytyrës në aplikacionet tona”, tha ai.
Facebook gjithsesi, nuk është i vetmi gjigand i tregut që përdor këtë teknologji. Me vendimmarrjen e tyre, pyetja shtrohet se çfarë mund të bëhet tashmë nga kompanitë e tjera.
Kjo, pasi ka kritika të shumta mbi privatësinë që ofrojnë mediat sociale në përgjithësi.
Nga njëra anë, ka sektorë të cilët për arsye sigurie, e kërkojnë njohjen e fytyrave si aspekt teknologjik. Nga ana tjetër, kur ajo vihet në funksion të lehtësimeve teknologjike për rrjetin, etika vihet në dyshim.
Mark Zuckerberg dhe kompania e tij janë vënë nën sulme të pamëshirshme kohët e fundit mbi këto aspekte të punës. Madje, ai doli edhe përpara komisioneve hetimore, përballë senatorëve e kongresmenëve amerikanë, për t’iu përgjigjur shqetësimeve popullore.
Përtej kësaj, duket se çështja e njohjes së fytyrës është tashmë e mbyllur.
Mbi 1 miliardë njerëzve, do t’u fshihet ky aspekt i të dhënave, duke i hequr nga dora Facebook imazhin e tyre.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pas tentimit të dytë Komisioni Hetimor për subvencionimin e teksteve dhe mjeteve shkollore konstituohet
-
Rohde e përmendi Asociacionin, Kurti kërkon mbështetjen e Gjermanisë për anëtarësimin e Kosovës në KiE
-
‘Evropa mund të vdesë’ – Cilat janë propozimet e Macron për ta shpëtuar?
-
Vota e diasporës, Basha takim me bashkatdhetarët në Itali
Lajmet kryesore
-
Të ‘mbarojmë punë me Rai-n’, pastaj radha për interpelancë me Bardhin, thotë Rama
-
Bardhi thotë se Rama ka frikë nga interpelanca, radhit 4 fakte dhe shtron 4 pyetje publike për kryeministrin
-
‘Evropa mund të vdesë’ – Cilat janë propozimet e Macron për ta shpëtuar?
-
Edhe Britania e do Asociacionin sa më shpejt që të jetë e mundur