Evergrande e ngarkuar me borxhe rifillon punën në më shumë se 10 projekte

China Evergrande Group tha të dielën se, kishte rifilluar punën në më shumë se 10 projekte në gjashtë qytete, përfshirë Shenzhen.

Evergrande, ka rёnё nё njё krizё thellë me më shumë se 300 miliardë dollarë detyrime, duke mos bёrё tё ditur se sa nga 1 mijё e 300 projektet e saj të pasurive të paluajtshme në të gjithë Kinën kanё ndaluar punën.

Kompania tha më 31 gusht se disa projekte u pezulluan për shkak të vonesave në pagesat për furnitorët dhe kontraktorët dhe njoftoi se ishte duke negociuar për të rifilluar ndërtimet.

Në një postim në llogarinë e saj “Wechat” kompania deklaroi se disa nga projektet me të cilat kishte rifilluar punën kishin hyrë në fazën e dekorimit të brendshëm, ndërsa ndërtesat e tjera që ishin lënë përgjysmë kishin përfunduar.

Evergrande deklaroi se po përpiqet të garantuar ndërtimin, në mënyrë që të forcojë përsëri besimin e tregut. Ajo publikoi gjithashtu disa fotografi të punëtorëve të ndërtimit në projekte të ndryshme, në të cilat ishte rregjistruar koha dhe data.

Zhvilluesi i dytë më i madh i pronave në Kinë muajin e kaluar gjithashtu u premtoi blerësve potencialë se do të përfundojë ndërtimin e shtëpive të tyre dhe tha se puna në një nga stadiumet më të mëdhenj të futbollit në botë në qytetin jugor të Guangzhou, po vazhdonte sipas planifikimeve.

Lëvizja e javës së kaluar për të paguar 83.5 milionë dollarë në interes për një obligacion në dollarë amerikanë ka bërë që Evergrande të përballet edhe një javë tjetër me një krizë borxhi.

Duke theksuar problematikat në biznesin e saj kryesor, Evergrande njoftoi të premten, se po planifikon t’i jap në të ardhmen përparësi biznesit të saj të automjeteve elektrike.

Vështirësitë e Evergrande kanë bërë bujë në sektorin kinez të pronave prej 5 trilion dollarësh, i cili përbën një të katërtën e ekonomisë sipas disa treguesve.

Një varg njoftimesh për mospagim, ulje vlerësimi dhe rënie të obligacioneve të korporatave, ishin disa nga problematikat e listuara kohët e fundit.

Kriza e saj e borxhit po shikohet gjithashtu gjerësisht nga tregjet financiare globale të cilat janë shqetësuar për mundësinë e një përhapjeje më të gjerë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.