Eurovision 2023 përfundimisht do të mbahet në Mbretërinë e Bashkuar

Konkursi ndërkombëtar i Këngës, Eurovision, ka konfirmuar se edicionin e radhës do ta mbaj në Mbretërinë e Bashkuar.

“Unioni Evropian i Transmetuesve (EBU) dhe BBC janë të kënaqur të konfirmojnë se Eurovision Song Contest 2023 do të organizohet në Mbretërinë e Bashkuar në emër të transmetuesit fitues të këtij viti, UA:PBC të Ukrainës” thuhet në njoftim.

Sipas kësaj gare, vendi i parë që sjellë trofeun në shtëpinë e tyre, aty edhe organizohet eventi.

Megjithatë për shkak të pamundësisë së mbajtjes së Evrovizionit në Ukrainë, festivali vitin e ardhshëm kalon te fituesi i vendit të dytë, pra MB.

“Pas vendimit se, për fat të keq, ngjarja e vitit të ardhshëm nuk mund të mbahej në Ukrainë për arsye sigurie dhe sigurie, EBU eksploroi një sërë opsionesh me transmetuesin fitues. Si rezultat i diskutimeve, BBC, si e dyta në Konkursin 2022, u ftua nga EBU për të vepruar si transmetues pritës për Konkursin e 67-të të Këngës në Eurovizion”.

Mykola Chernotytskyi kryeshefja eksekutive e kompanisë transmetuese publike të Ukrainës tha se: “ne u jemi mirënjohës partnerëve tanë të BBC që treguan solidaritet me ne”.

“Nuk dihet ende se në cilin qytet do të mbahet, por disa prej tyre si Glasgow, Manchester dhe Bristol kanë shprehur interesim”.

Për të marrë përsipër organizimin e festivalit, qytetet do të duhet të provojnë se kanë objektet e duhura dhe të kalojnë një proces, i cili do të fillojë këtë javë.

Ukraina do të kualifikohet automatikisht në Finalen e Madhe, siç ndodh zakonisht për fituesin, së bashku me të ashtuquajturën ‘Big Five’, e cila përfshin Mbretërinë e Bashkuar.

Këtë vit fitues i Eurovision ishte Kalush Orchestra me këngën e quajtur “Stefania”.

Rikujtojmë se Eurovision është ngjarja më e madhe në botë e muzikës live, e organizuar çdo vit që nga viti 1956 nga Unioni Evropian i Transmetuesve (EBU), i cili përfaqëson mediat e shërbimit publik në 56 vende në Evropë, Lindjen e Mesme dhe Afrikë.

Konkursi i vitit 2022 arriti mbi 180 milionë shikues në platformat televizive dhe dixhitale.