Sot (e enjte, 20 prill) do të zhvillohen ndeshjet e kthimit të fazës çerekfinale të Ligës së Evropës.
Roma do të kërkojë rikthimin e rezultatit ndaj Feyenoord-it, duke qenë se ndeshja e parë në Roterdam kishte përfunduar me fitore minimale të vendasve.
Pra, Jose Mourinho do të kërkojë ta përmbysë ekipin holandez në “Olimpico” dhe të kualifikohet në gjysmëfinale me Romën.
Ndeshje tjetër shumë interesante do të jetë ajo mes rekordmenëve të kësaj gare, Sevilla-s dhe Manchester United-it.
Quarter-final deciders 👊
Who'll go through today?#UEL pic.twitter.com/T9mouinI6o
— UEFA Europa League (@EuropaLeague) April 20, 2023
Ndeshja e parë e zhvilluar në “Old Traford” ishte spektakolare, të cilën ishin duke e fituar Manchester-i me rezultat 2:0 deri në 10 minutat e fundit, kur Sevilla e barazoi rezultatin.
Takim interesant do të jetë edhe ai mes Sporting Lisbonës dhe Juventus-it, takim ky që do të zhvillohet në kryeqytetin portugez.
Ndeshjen e parë në Torino e fitoi Juventus-i me rezultat minimal 1:0, andaj milioni gjysmëfinalja nuk do të jetë aspak i lehtë për bardhezinjtë.
Edhe takimi tjetër do të jetë interesant, ku Bayer Leverkusen do të përballet me ekipin surprizë belg, Royale Union SG.
Ndeshja e parë në Gjermani përfundoi me rezultat të barabartë, 1:1, andaj gjithçka pritet të vendoset në stadiumin e vogël të belgëve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
