Eurodeputeti gjerman, Borellit: A është e drejtë të harrohen aktet e fundit të agresionit serb, e vetmja pengesë që e sheh është Asociacioni

Eurodeputeti gjerman, Reinhard Butikofer, ka thënë se përfaqësuesi i Lartë për Politikën e Jashtme të Bashkimit Evropian, Josep Borrell, të vetmën pengesë që po e sheh në dialogun Kosovë-Serbi është Asociacioni i Komunave me Shumicë Serbe.

Butikofer, përmes një shkrimi në platformën ‘X’, ka pyetur Borellin se a nuk ka parë asnjë pengesë nga pala serbe.

“Kjo është vërtet interesante”. 1. E vetmja pengesë, e cila Borrell përmend, është Asociacioni. A nuk kishte pengesa nga pala serbe? A është e drejtë të “harrohet” përmendja e të gjitha akteve të fundit të agresionit serb?”.

Sipas tij, fajësimi që bën Borelli për të dyja palët në mënyrë të barabartë nuk është i drejtë.

‘2. Kryeministri Kurti tha publikisht se ishte i gatshëm të firmoste gjithçka që BE-ja vendosi në tryezë, ndërsa Vuçiç refuzoi një gjë të tillë. Pra, pse atëherë bën Borrelli fajëson të dyja palët në mënyrë të barabartë? 3.A i kujtohet Borrellit që Parlamenti Evropian kërkoi heqjen e sanksioneve ndaj Kosovës? Pse nuk flitet për këtë? Sa shumë pyetje”, ka shkruar Butikofer.

This is really INTERESTING: 1. The only hurdle, which @JosepBorrellF mentions, is the ASM. Were there no hurdles an the #Serbian side? Is it fair to "forget" mentioning all the recent Serbian acts of aggression? 2. PM #Kurti publicly said that he was willing to sign everything… https://t.co/ufryI4sZnk

— Reinhard Bütikofer (@bueti) October 27, 2023

Pas takimeve, Kurti tha se vetëm nënshkrimi i marrëveshjeve me vendin fqinj, garanton zbatimin e tyre.

Ndërsa Vuçiç potencoi në një konferencë për media se e ka pranuar themelimin e Asociacionit të Komunave me Shumicë Serbe, sipas propozim-statutit që i është propozuar nga emisarët ndërkombëtarë më 21 tetor në Beograd.

Ai theksoi se Serbia është pro zbatimit të marrëveshjes së Brukselit/Ohrit, por ka shtuar se shteti i tij nuk mund ta njoh Kosovën si vend të pavarur dhe as nuk do ta pranojë anëtarësimin e saj në OKB.

Në anën tjetër shefi i politikës së jashtme të BE-së, Josep Borrell, i cili ndërmjetëson bisedimet për normalizimin e marrëdhënieve Kosovë-Serbi, tha se marrëveshja mes tyre nuk ishte e mundur, sepse “parakushtet e njërës palë ishin të papranueshme për tjetrën”.

Këshilli Evropian, këtë të premte, gjatë ditës së dytë të samitit të Bashkimit Evropian, do të diskutojë për marrëdhëniet në mes të Kosovës dhe Serbisë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.