![](https://albanianpost.com/wp-content/uploads/2021/08/EULEX-1.jpg)
Ekspertët mjeko ligjorë të Misionit të Bashkimit Evropian (BE) për Sundimin e Ligjit në Kosovë (EULEX), kanë qenë të pranishëm të martën kur Instituti i Mjekësisë Ligjore ia ka dorëzuar Serbisë, mbetjet e tre trupave të qytetarëve serb gjatë luftës në Kosovë.
Lajmin e ka bërë të ditur EULEX-i përmes një shkrimi në rrjetin social ‘X’.
“Ekspertët mjeko-ligjorë të EULEX-it iu bashkuan dje përfaqësuesve të Institutit të Mjekësisë Ligjore të Kosovës në pikën e përbashkët të kalimit Merdare për dorëzimin e eshtrave të 3 personave, të identifikuar së fundmi, pasi u arrit përputhja pozitive e ADN-së”, ka shkruar EULEX-i.
#EULEX forensic experts joined yesterday representatives from the Kosovo’s Institute of Forensic Medicine at the Merdare Common Crossing Point in handing over the remains of 3 persons, recently identified, after positive DNA matching was obtained.
➡️ More: https://t.co/kA2BrOzSFr— EULEX Kosovo (@EULEXKosovo) June 19, 2024
Ky institucion ka theksuar se mbesin të përkushtuar për të mbështetur institucionet e Kosovës, përfshirë edhe IML-në.
“Duke ofruar ekspertizë mjekoligjore dhe këshilla në kryerjen e punës komplekse të identifikimit të të gjitha mbetjeve njerëzore në morgun e IML-së, në mënyrë që anëtarët e familjes të realizojnë të drejtën e tyre për të ditur të vërtetën”.
Mbetjet e tre trupave të qytetarëve serbë të vrarë gjatë luftës së fundit në Kosovë, i janë dorëzuar autoriteteve të Serbisë në pikën kufitare në Merdarë.
Këto mbetje të tre trupave të vrarë gjatë luftës janë në mesin e 280 trupave të paidentifikuar në morgun e Prishtinës.
Trupat që do t’i dorëzohen autoriteteve të Serbisë kanë qëndruar në Institutin e Mjekësisë Ligjore që nga paslufta, por ka qenë problem identifikimi i tyre.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com