Ekipi kombëtar i futbollit të Zelandës së Re u largua nga një miqësore kundër Qatar-it të hënën në Vjenë.
Kjo, duke akuzuar një lojtar katariot për sharje raciste ndaj një prej lojtarëve neozelandez.
Lajmi u bë i ditur nga agjencia “AFP”.
“Michael Boxall ishte viktimë e një fyerjeje raciste në pjesën e parë nga një lojtar i Qatar-it”, shkroi në Twitter Federata e Zelandës së Re për të justifikuar faktin që lojtarët e saj nuk u kthyen në lëndinë pas pjesës së parë.
Sipas tyre, arbitri i ndeshjes nuk reagoi, prandaj skuadra zgjodhi të mos kthehej për të luajtur në periudhën e dytë të lojës.
Michael Boxall was racially abused during the first half of the game by a Qatari player.
No official action was taken so the team have agreed not to come out for the second half of the match.
— New Zealand Football 🇳🇿 (@NZ_Football) June 19, 2023
Trajneri portugez i Katarit, Carlos Queiroz, ka folur nga ana e tij në anglisht në mikrofonin e kanalit të Qatar-it, Al-Kass.
“Për habinë tonë, kapiteni i Zelandës së Re erdhi tek ne për të na thënë se ekipi i tij nuk do të rifillonte lojën”, tha ai.
“Me sa duket dy lojtarë kanë shkëmbyer fjalë në fushë. Kush filloi, kush u përgjigj? E dinë vetëm ata (…) Nuk ka dëshmitar, arbitri nuk ka dëgjuar asgjë, as pankinat. Është vetëm një debat mes dy lojtarëve”, vazhdoi ai.
“Tani le të marrin një vendim autoritetet e futbollit (…) Por pa dëshmitarë, nuk e di se si do të mund të marrë një vendim FIFA”, shtoi Queiroz.
Zelanda e Re kryesonte 1-0 në pushimin e ndeshjes.
Të hënën, një ndeshje miqësore midis U21 të Irlandës dhe U22 të Kuvajtit, gjithashtu në Austri, u ndërpre përfundimisht pas fyerjeve raciste ndaj njërit prej lojtarëve në stol.
Irlandezët kryesuan 3-0 në momentin e ndërprerjes, në pjesën e dytë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Shifra rekord për numrin e fluturimeve dhe të pasagjerëve, tregon INSTAT
-
Firmat kineze kalojnë ‘nënëtokë’ në pagesat e Rusisë ndërsa bankat tërhiqen
-
Osmani kërkon mbështetjen e Zvicrës për anëtarësimin e Kosovës në KiE