Në një njoftim për mediat, sekretari i Përgjithshëm i Partisë Demokratike, Gazment Bardhi, ka bërë të ditur se detyrën e përkohshme për drejtimin e PD-së do ta marrë nënkryetari Enkelejd Alibeaj.
Bardhi bëri të ditur se menjëherë pas vendimit të dorëheqjes së Lulzim Bashës, ai ka mbledhur dy nënkryetarët Jorida Tabakun dhe Enkelejd Alibeaj, si dhe kryetaren e Këshillit Kombëtar të PD-së, Arta Sakja.
“Në mbështetje të Statutit të Partisë dhe për të mos krijuar asnjë vakum në drejtimin e Partisë në këtë moment të vështirë dhe specifik, kam konsultuar të dy nënkryetarët me qëllim paraqitjen për zgjedhjen menjëherë nga Këshilli Kombëtar të komandimit të njërit prej tyre për drejtimin e Partisë”, thuhej në njoftimin e Bardhit.
Ky i fundit bëri me dije se Tabaku hoqi dorë nga e drejta statutore për t’u propozuar në Këshillin Kombëtar për drejtimin e Partisë.
Duke qenë se dy nënkryetarët e tjerë, Grida Duma dhe Agron Gjekmarkaj kanë dhënë dorëheqjen fill pas humbjes në zgjedhjet e pjesshme lokale të 6 marsit, rrjedhimisht në përputhje me nenin 46 të Statutit të PD-së, përgjegjësia i takon Alibeajt.
“Për pasojë drejtimi i partisë në këtë periudhë tranzitore, deri në vendimmarrjen e institucioneve të partisë, do të bëhet nga nënkryetari dhe Kryetari i Grupit Parlamentar Enklejed Alibeaj”, përmbyllet njoftimi i Bardhit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Hasani me homologun kroat: Dialog intensiv politik mes dy qeverive, mirënjohës për mbështetjen
-
Favorizoi djalin e Tom Doshit – Reagon Policia pas pezullimit të shefit të qarkullimit rrugor në Lezhë
-
Emërimet e reja në Akademinë e Shkencave janë në shkelje të ligjit, thotë Fuga
-
GJKKO lë në fuqi sekuestron e pasurive të të afërmve të Gëzim Çelës
Lajmet kryesore
-
Rama reagon për dokumentarin e Rai 3: Emision me shpifje, u skandalizova nga qasja kriminale
-
DASH zbardh raportin e plotë për Shqipërinë – S’ka progres domethënës, probleme serioze me pavarësinë e gjyqësorit
-
Hasani me homologun kroat: Dialog intensiv politik mes dy qeverive, mirënjohës për mbështetjen
-
Lajçak: Në takimin e fundit u ngushtua diferenca për dinarin – pres propozime shumë konkrete në takimin e radhës