Embraer do të ndërtojë një fabrikë taksish ajrore elektrike pranë Sao Paulos

Prodhuesi brazilian i avionëve Embraer do të ndërtojë një fabrikë të re pranë Sao Paulos për të prodhuar taksi fluturuese elektrike, të cilat shpreson të ngrihen në qiell nga viti 2026.

Avioni, që do të prodhohet nga filiali i tij Eve, do t’i ngjajë një helikopteri të vogël me hapësirë të mjaftueshme për deri në gjashtë klientë.

Është parashikuar që një udhëtim të kushtojë 50-100 dollarë për person.

Sipas Eva, tashmë ka porosi për gati 3 mijë taksi ajrore.

Ajo shpreson të nxjerrë një prototip këtë vit. Rregullatorët amerikanë publikuan kohët e fundit një afat kohor për taksitë ajrore që do të fluturojnë atje që në vitin 2025.

Avioni elektrik nuk do të ketë nevojë për pistë, por mund të udhëtojë në distanca të gjata si një aeroplan. Motorët elektrikë duhet të reduktojnë zhurmën dhe ndotjen në krahasim me avionët standardë.

Është argumentuar se avioni mund të ndihmojë në reduktimin e bllokimit të trafikut në qytetet e mbushura me njerëz, pa qenë shumë i shtrenjtë për klientët.

Po ashtu janë parë edhe si një alternativë për transportin e mallrave.

Fabrika do të ndërtohet në qytetin e Taubate rreth 140 kilometra nga Sao Paulo, kryeqyteti ekonomik i Brazilit.

Automjetet e pasagjerëve të ngjashëm me dron do të përdoren fillimisht në flotat e taksive.

Fluturimet e para do të kenë një pilot, por një lançim i mëvonshëm i mjeteve të vetë-pilotuara është gjithashtu në planet e kompanisë.

Automjetet do të jenë 100% elektrike, duke lejuar fluturime pa emetim.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.