Elon Musk ngre alarmin për sigurinë dhe kërcënon hapur Apple: Nëse vendosin ChatGPT në sistemin operativ, do t’i përjashtoj përjetë produktet nga kompanitë e mia

Apple e arriti qëllimin për të thyer rrjetin, me lajmin se një bashkëpunim me gjigandin e Inteligjencës Artificiale, OpenAI, ishte në horizont dhe se produktet e kompanisë me ChatGPT të integruar, do të ishin realitet së shpejti.

Një lëvizje kjo, e cila pason atë të Samsung, në lëshimin e gjeneratës së re, Galaxy AI, për telefonët inteligjentë, e cila korri sukses mes përdoruesve.

Mirëpo, lëvizjen e shpejtë të Apple në këtë aspekt, e ka kritikuar radikalisht manjati amerikan Elon Musk, i cili ka thënë prerazi se nëse Apple vendos të integrojë OpenAI në sistemin operativ të produkteve të veta, atëherë Musk do të përjashtojë prodhimet e kompanisë nga përdorimi në firmat e tij multimiliardëshe dhe me dhjetëra-mijëra punonjës.

Ai madje shkon aty, sa të thotë se çdo vizitor në kompanitë e tij, që do të ketë me vete iPhone, do të duhet ta “karantinojë” atë në hyrje, pasi implementimin e chipit të OpenAI, e quan një “shkelje flagrante sigurie”, jo thjesht privatësie.

“Është krejtësisht absurde që Apple nuk është mjaftueshëm i zgjuar për të krijuar AI-n e vet, por është disi i aftë të sigurojë që OpenAI do të mbrojë sigurinë dhe privatësinë tuaj! Apple nuk ka asnjë të dhënë se çfarë po ndodh në të vërtetë, pasi t’i dorëzojë të dhënat tuaja tek OpenAI. Ata po ju hedhin në lumë”.

Ka qenë kjo përgjigja e Musk, përmes platformës X, ish-Twitter.

Apple njofton bashkëpunimin me OpenAI, ChatGPT tashmë në Iphone

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.