![](https://albanianpost.com/wp-content/uploads/2024/05/Pamja-e-ekranit-2024-05-29-173139.jpg)
Prezantuesja dhe komediania e famshme, Ellen DeGeneres është duke hyrë në një nxitim të fundit në karrierën e saj stand-up.
Këtë verë, komediania 66-vjeçe do të bëjë një xhiro rreth Amerikës së Veriut në një turne me 27 shfaqje, të titulluar “Ellen’s Last Stand… Up”.
Sipas një publikimi të ndarë me People, transmeton AlbanianPost, datat do të jenë “mundësia e fundit” pë ta parë DeGeneres në “skenë”.
Prodhuar nga Live Nation, “Ellen’s Last Stand… Up” do të jetë rikthimi i fundit i DeGeneres në komedi.
Turneu do ta shfaqë ish prezantuesen të “riprezantojë zgjuarsinë e saj dhe anekdotat që shkaktojnë të qeshura” para një turme të drejtpërdrejtë.
Speciali i ardhshëm i DeGeneres në Netflix – që do të incizohet më 16 dhe 17 gusht në Minneapolis – do të jetë “i fundit”.
“Për t’iu përgjigjur pyetjeve që të gjithë po më bëjnë – Po, unë do të flas për këtë”, tha DeGeneres në një deklaratë.
Me një karrierë komedi që daton që nga vitet e 70-ta, autorja e “Seriously…I’m Kidding” ka fituar vlerësime të shumta ndër vite, duke përfshirë 12 çmime “Daytime Emmy” për talk show të jashtëzakonshëm argëtues dhe një çmim “Primetime Emmy” për sitcom-in e saj të vetëtitulluar.
Ajo po ashtu ka fituar çmimin “Mark Twain” për Humorin Amerikan dhe Medaljen Presidenciale të Lirisë.
Specialja e saj më e fundit në Netflix, “Relatable”, u publikua në vitin 2018 pas një ndërprerjeje 15-vjeçare nga komedia stand-up.
Në shkurt të vitit 2024, ajo u rikthye përsëri në rrënjët e saj për të performuar një set surprizë në shfaqjen “Beth & Pals” të Beth Stelling së bashku me Adam Sandler, Sarah Silverman, Aidy Bryant, Brett Goldstein të Ted Lasso, Alana Johnston dhe Nthenya nga Kenia.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com