Vendimi i Spanjës për pranimin e pasaportës së Kosovës, duke lejuar lëvizjen e lirë të kosovarëve edhe në këtë shtet, sipas gazetës spanjolle “El Debate” të martën, paraqet “hapin e parë” drejt njohjes formale të pavarësisë së vendit të vogël ballkanik, derisa konsiderohet se ky akt do të nxisë pasionet e “nacionalistëve dhe mbështetësve” të pavarësisë së Katalonjës.
Spanja është një nga pesë shtetet e Bashkimit Evropian (BE) që nuk e njeh pavarësinë dhe sovranitetin e Kosovës. Logjika është shumë e thjeshtë – nëse Madridi pranon se Prishtina ka të drejtën e pavarësisë kombëtare, atëherë standardi i njejtë duhet të aplikohet edhe në rastin e Katalonjës, rajon ky që prej kohësh synon shkëputjen dhe pavarësinë nga Spanja.
“Dhe njohja e Kosovës ka qenë gjithmonë një kërkesë e baskëve dhe katalanasve të cilët e shohin shpalljen e njëanshme të pavarësisë si një model për t’u ndjekur edhe pse Kosova ka shumë pak ngjashmëri me shtetin bask apo me Katalonjën”, shkruan gazeta e përditshme spanjolle në një artikull kushtuar polemikave në vend për vendimin e fundit të Qeverisë së Spanjës.
Njohja e pasaportës kosovare, përkundër faktit se Spanja nuk e njeh pavarësinë e Kosovës, ndonëse shpesh tregohet konstuktive sa i përket proceseve integruse të vendit, ka hapur sërish çështjen e rebusit Kosovë-Katalonjë në politikën spanjolle. Kryeministri i Spanjës, Pedro Sanchez, akuzohet nga partitë opozitare për nxitjen e lëvizjeve seperatiste.
Një zyrtar nga radhët e lëvizjes katalanase për pavarësi “Bashkë për Katalonjën (Junts)”, pjesë e ekzekutivit spanjoll nën udhëheqjen e Partisë Socialiste të Punëtorëve (PSOE), ka thënë se janë të lumtur për liberalizimin e vizave për kosovarët dhe të gëzuar që do t’i anulojnë planet për të promovuar çështjen e pasaportave në Parlamentin e Spanjës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Alejandra Rodriguez konkurron për Miss Universe në moshën 60-vjeçare
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Knaus ndan një pjesë të fjalimit të Kurtit në Berlin: Ai deklaroi se s’mund t’ua imponojë serbëve draft-statutin e QUINT-it
-
Ndihma në Gaza do të bëhet funksionale në “dy-tre javë”
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Knaus ndan një pjesë të fjalimit të Kurtit në Berlin: Ai deklaroi se s’mund t’ua imponojë serbëve draft-statutin e QUINT-it