Ekskluzive/ Reagon Rezart Taçi për Albanian Post: Urdhër arresti i pavlerë, nuk jam në Shqipëri, por do e ankimoj
![](https://albanianpost.com/wp-content/uploads/2021/11/taci.jpg)
Biznesmeni shqiptar, Rezart Taçi, pas publikimit të lajmit se ka një urdhër arresti për të mbi akuza për pastrim parash, ka reaguar menjëherë për Albanian Post duke i cilësuar ato tërësisht të pabaza dhe të pakuptueshme.
“Unë nuk arrij ta kuptoj se si mund të nxirret ndaj meje një urdhër i tillë arresti. Nuk ka asnjë provë, asnjë fakt. Është një vendim tërësisht i pakuptimtë”.
Kështu tha Taçi i pyetur nga redaksia e Albanian Post.
Mbi lidhjen që pretendohet në shkresën nga SPAK se ai ka me biznesmenin italian Francesco Zummo, sipërmarrësi ka thënë se ai as nuk e njeh 90-vjeçarin dhe nuk e ka idenë se kush ai është.
![](https://albanianpost.com/wp-content/uploads/2021/11/ipiccy_image-34-1.jpg)
Ndërsa, mbi vendimin, ai deklaroi se do ta ankimojë menjëherë dhe ka vënë në lëvizje avokatët e tij për këtë çështje.
Ai ka theksuar se nuk ndodhet në Shqipëri personalisht, por hapat e mëtejshëm do t’i ndjekin përfaqësuesit e tij ligjorë.
Akuzat e SPAK
Prokuroria e Posaçme (SPAK), mëngjesin e 12 nëntorit ka lëshuar tre urdhër arreste për tre persona, të cilët dyshohen se janë marrë me pastrim parash. Vlera e përllogaritur në mbi 18 milionë euro.
Përkatësisht urdhër arresti përfshin edhe biznesmenin shqiptar Rezart Taçi, i përfshirë në sektorin e naftës.
Ky i fundit, sipas SPAK, në funksion të kryerjes së kësaj veprimtarie ka angazhuar në të, personat e vet të besuar, rezidentë në Shqipëri. Respektivisht shtetasin A.B. dhe B. L.
![](https://albanianpost.com/wp-content/uploads/2021/11/WhatsApp-Image-2021-11-12-at-09.19.07.jpeg)
Këta dy të fundit janë arrestuar, ndërsa është shpallur në kërkim biznesmeni Taçi. Sipas njoftimit, shtetasit shqiptarë kanë bashkëpunuar me dy shtetas italianë, Francesco Zummo e Fabio Petruzzella, si edhe një zviceran.
Veprimet hetimore janë kryer nga policia gjyqësore e Drejtorisë së Policisë së Shtetit në bashkëpunim dhe me koordinimin me Drejtorinë Antimafia në Prokurorinë e Republikës në Gjykatën e Palermos, Itali.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kush mund ta zëvendësojë Joe Biden?
-
Dosja e tjetërsimit të tokës në Himarë i kalon SPAK-ut, i përfshirë edhe Bollano
-
Sulm me shigjeta në ambasadën izraelite në Serbi, vritet agresori – Daçiç: Akt terrorist
-
Lajçaku thotë se kërkesa për formalizimin e marrëveshjes përmes nënshkrimit s’është çështje relevante në dialogun Kosovë-Serbi