Dy politikanë, të cilët kanë fituar mandatin e deputetit në zgjedhjet e fundit të 25 prillit, do të shpallen së shpejti persona non grata nga Departamenti Amerikan i Shtetit (DASH), siç është bërë me dije nga burime konfidenciale të Albanian Post të hënën e 4 tetorit.
Sot, redaksia e Albanian Post sjell një panoramë më të qartë, me detaje të reja, se cilët janë këta persona dhe si kanë qenë të angazhuar politikisht, përfshi veprimtaritë e tyre të mëparshme.
Siç është theksuar edhe më parë, të dy deputetët vijnë nga radhët e të majtës shqiptare.
Nga burimet pranë redaksisë, bëhet me dije se njëri prej tyre, është i përfshirë në politikë prej fillimit të viteve 2000.
Ndër të tjera, ai ka mbajtur më parë edhe poste ministrore.
Të dy personat ndërkohë, vijnë nga bota e biznesit në skenën politike.
I dyti deputet ka një karrierë politike më të vonshme se i pari. Por, ka lënë shenjë në zgjedhjet e fundit parlamentare në Shqipëri.
Të dy kanë qenë të zgjedhur në qarqe të mëdha të vendit me numër të konsiderueshëm votash.
Rregullat e përcaktimit të tyre si non grata, nga ana tjetër, do të jenë të aplikuara njësoj si me rastet e mëparshme.
Pra, jo vetëm individi, por e gjithë familja do ta ketë të pamundur pas vendimit të shkelë në tokë amerikane.
Emrat konkretë të dy deputetëve janë të njohur për redaksinë dhe së shpejti do të bëhen publik.
Vijimësia amerikane
Dy zyrtarët shqiptarë janë vijimësi e një lufte të hapur që SHBA-të i kanë shpallur korrupsionit në Ballkan.
Ndërsa dy priten të përcaktohen si non grata në Shqipëri në ditët në vijim, kjo nuk do të thotë se DASH-i do të ndalet me kaq.
Në një intervistë për Zërin e Amerikës më 25 shtator, zëvendësndihmës Sekretari amerikan i Shtetit, Gabriel Escobar, e vuri theksin mbi faktin se përcaktime të tjera do të ketë së shpejti në gjithë Ballkanin.
Katër kanë qenë përcaktimet e mëparshme si non grata, të cilat bënë bujë në Shqipëri.
Fillimisht, ishte ish-kryeprokurori Adriatik Llalla, i cili u shpall më 15 shkurt 2018.
Më pas, më 16 prill 2018, e pati radhën Tom Doshi. Më tej, më 30 korrik 2019, ishte ish-kryebashkiaku i Durrësit, Vangjush Dako, i cili u përcaktua si i papërshtatshëm për të hyrë në territorin amerikan.
Së fundmi, por më i bujshmi, ish-kryeministri dhe kreu historik i Partisë Demokratike, Sali Berisha.
Tashmë, radhën e kanë dy deputetë të zgjedhur nga e majta shqiptare në Parlamentin e Shqipërisë.
Një paralajmërim i kahershëm i Ambasadores së SHBA-ve në Tiranë, Yuri Kim, se Amerika nuk do të tolerojë më zhvillimin e korrupsionit në Ballkan.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lulzim Basha kallëzon në SPAK Lindita Nikollën – Riktheu deputetët e përjashtuar
-
BE mbështetje Shqipërisë për ngritjen e rrjetit hekurudhor, kosto për dy segmentet 420 mln euro
-
Këshilli i Investimeve: Informaliteti më i lartë se në vitin 2019, ligji për të ardhurat do ta rrisë më tej
-
Basha uron Plenkoviç për rizgjedhjen, e quan fitore edhe për Shqipërinë dhe rajonin
Lajmet kryesore
-
“Qeveri e korruptuar; shkoni në shpi; të krijohet Komision Hetimor Parlamentar” – Reagime të shumta pas raportimit të AP-së për hajninë multi-milionëshe të Liburn Aliut dhe Naser Hafizit
-
Lulzim Basha kallëzon në SPAK Lindita Nikollën – Riktheu deputetët e përjashtuar
-
Sulme të pandëshkuara të kolonëve kundër palestinezëve dhe ndërtime të reja në Bregun Perëndimor
-
Çështja dinari: Bislimi e Petkoviç për herë të katërt takohen në Bruksel