Sipas një studimi të Institutit për Kërkimin e Punësimit (IAB), ekonomia gjermane do të humbasë 260 miliardë euro vlerë të shtuar deri në vitin 2030.
Kjo, për shkak të luftës në Ukrainë dhe çmimeve të larta të energjisë.
Lajmi u bë i ditur nga transmetuesi gjerman “Zeit”.
Studimi thotë se produkti i brendshëm bruto i Gjermanisë i rregulluar me çmimin (PBB) do të jetë 1.7 për qind më i ulët vitin e ardhshëm, me 240 mijë njerëz më pak të punësuar.
Punësimi pritet të mbetet përafërsisht i pandryshuar deri në vitin 2026, kur masat zgjeruese gradualisht fillojnë të tejkalojnë efektet negative dhe të çojnë në një rritje me rreth 60 mijë vende pune në vitin 2030.
Një nga më të prekurat do të jetë industria e mikpritjes, e cila tashmë ka humbur shumë nga pandemia e Coronavirus-it dhe ka të ngjarë të pësojë një rënie të fuqisë blerëse të konsumatorëve.
Sektorët me energji intensive si industria kimike dhe prodhimi i metaleve gjithashtu mund të preken veçanërisht.
Sipas studimit, nëse çmimet e energjisë, të cilat deri më tani janë rritur me 160 për qind, do të dyfishoheshin sërish, prodhimi ekonomik i Gjermanisë në vitin 2023 do të ishte pothuajse 4 për qind më i ulët se sa do të kishte qenë pa luftë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ish-kryeministri izraelit Olmert mban anën e senatorit Schumer: Netanyahu është një pengesë për paqen
-
Incidenti me gazetaren, Rama: Agresion imagjinar, asgjë për të kërkuar falje
-
Serbia s’mund të hyjë në BE përderisa Vuçiç kërcënon Kosovën, thotë Roth
-
Gjykata dënon me 2.6 vite ish-shefen e kabinetit të Arben Ahmetajt