Ekonomia e SHBA-së kaloi performancën e saj më të dobët në 74 vite në vitin 2020. Pandemia dëmtoi bizneset e shërbimeve, restoranteve dhe linjave ajrore.
Prodhimi i Brendshëm Bruto (PBB) në tremujorin e katërt pritet të tregojë rimëkëmbje ekonomike pas pandemisë.
Rezerva Federale (RF) njoftoi të mërkurën se norma e interesit do të jetë afër zeros. RF-ja do të vazhdojë injektimin e parave në ekonomi përmes blerjeve të bonove. Sipas institucionit financiar, ritmi i rimëkëmbjes në aktivitetin ekonomik dhe punësimin është përmirësuar në muajt e fundit.
Presidenti, Joe Biden, prezantoi planin me vlerë 1.9 trilionë dollarë dhe mund të përdorë raportin e PBB-së për të mbështetur këtë plan të propozuar.
Ekonomistët kanë llogaritur që ekonomia u tkurr me 3.6% në vitin 2020, performanca më e keqe që nga viti 1946. Kjo do të pasonte rritjen prej 2.2% në 2019 dhe do të ishte rënia e parë vjetore e PBB-së që nga recesioni i viteve 2007-09.
Në tremujorin e katërt, PBB-ja të rritet në 4%, sipas një studimi të Reuters.
Mungesa e vendeve të punës dhe ndalimi i një subvencioni javor për të papunët pritet të frenojë rritjen e shpenzimeve të konsumatorit në 3% në tremujorin e katërt.
Shpenzimet e konsumatorit, të cilat përbëjnë më shumë se dy të tretat e ekonomisë amerikane, arritën 41% në tremujorin korrik-shtator.
Kufizimet e reja të bizneseve do të mbajnë shpenzimet për shërbime në kuota konstante./AlbanianPost.com
/Albanianpost.com
Lajmet kryesore
-
Balla ripohon mbajtjen e Konferencës Ndërqeveritare me parlamentarin gjerman
-
Vrasja e Pjerin Xhuvanit, Gjykata rikthen në detyrë 6 efektivët e “Shqiponjave”
-
Firma kineze blen fermën pranë bazës amerikane të Forcave Ajrore
-
Hill: Jam i zhgënjyer me ritmin e dialogut, SHBA-të e mbështesin Ballkanin e Hapur
