Revista prestigjoze amerikane “Forbes” ka publikuar listën e klubeve më të vlefshme në ligën më të mirë të basketbollit në botë, NBA. Mesatarisht, çdo ekip vlen 2.86 miliardë, 15 për qind më shumë se një vit më parë.
Për herë të parë në këtë renditje vendi i kryesues nuk mbahet nga New York Knicks ose Los Angeles Lakers. Në krye qëndon klubi i Golden State Warriors. Vlerësimi i tyre u rrit me 25 pëq qind krahasur me një vit më parë, duke e çuar shifrën totale në 7.1 miliardë dollarë.
Dominimi i Warriors këtë vit nuk ka ardhur vetëm në fushë, por dhe në nivelin ekonomik. Ata regjistruan të ardhura prej 765 milionë dollarësh, një rekord për ligën e basketbollit në SHBA.
New York Knicks mbeten në podium, i dyti me një vlerësim prej 6.1 miliardë dollarësh, i ndjekur nga Lakers me 5.9 miliardë, Chicago Bulls me 4.1 miliardë dhe Boston Celtics me 4 miliardë.
Në përgjithësi, katër skuadra NBA tejkalojnë 4 miliardë dollarë në vlerësim, ndërsa dymbëdhjetë janë mbi 3 miliardë dollarë.
Përkundrazi, janë dhjetë skuadra që vlerësohen me më pak se 2 miliardë dollarë, me New Orleans Pelicans që mbyllin renditjen me 1.65 miliardë dollarë.
Lista e 30 ekipeve më të shtrenjta vijon me:
Los Angeles Clippers : 3.9 miliardë dollarë;
Brooklyn Nets : 3.5 miliardë;
Dallas Mavericks : 3.3 miliardë;
Houston Rockets : 3.2 miliardë;
Philadelphia 76ers : 3.15 miliardë;
Toronto Raptors : 3.1 miliardë;
Miami Heat : 3 miliardë;
Phoenix Suns : 2.7 miliardë;
Washington Wizards : 2.5 miliardë;
Milwaukee Bucks : 2.3 miliardë;
Portland Trail Blazers : 2.1 miliardë;
Cleveland Cavaliers : 2.05 miliardë;
Sacramento Kings : 2.03 miliardë;
Utah Jazz : 2.025 miliardë;
San Antonio Spurs : 2 miliardë;
Atlanta Hawks : 1,975 miliardë;
Denver Nuggets : 1.93 miliardë;
Detroit Pistons : 1.9 miliardë;
Oklahoma City Thunder : 1.875 miliardë
Orlando Magic: 1.85 miliardë;
Indiana Pacers : 1.8 miliardë;
Charlotte Hornets : 1.7 miliardë;
Minesota Timberwolves : 1.67 miliardë;
Memphis Grizzlies : 1.65 miliardë;
New Orleans Pelicans : 1.6 miliardë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Sot nis zbatimi i Amnistisë Penale, përfitojnë 3 mijë e 800 të dënuar
-
Sabreen, vajza e lindur në Gaza pasi nëna e saj ndërroi jetë në një bastisje
-
Senati amerikan miraton paketën historike për Ukrainën, Izraelin dhe Tajvanin
-
Pas reagimit të Ramës, drejtuesi i Report thotë se do të ketë emision tjetër rreth Shqipërisë
