Edhe Sindikata e Administratës paralajmërojnë protesta, shkak mos miratimi i Ligjit të Pagave

Sindikata e Pavarur e Administratës së Kosovës, ka paralajmëruar protestë këtë të premte, si shkak mos miratimi i Ligjit të Pagave.

Në njoftimin për media thuhet se Qeveria e Kosovës e ka injoruar realizimin e Ligjit të Pagave dhe Buxhetimin e mjeteve për implementimin e ligjit të pagave për buxhetin e vitit 2022.

“Në mbledhjen e mbajtur më datë . 19.11.2021 , vlerësoj Kryesia Ekzekutive e SPAK – ut gjendjen e nëpunësve civil në mbarë Administratën Publike të Kosovës dhe pas presionit të anëtarësisë së gjerë lidhur me injorimin nga ana e Qeverise së Kosovës në realizimin e kërkesave thelbësore siç janë : Ligji i Pagave, Buxhetimi i mjeteve për implementimin e ligjit të pagave në ligjin për buxhet për vitin 2022”, thuhet në njoftimin e tyre.

Sindikata e Pavarur e Administratës së Kosovës ka disa kërkesa për Qeverinë e Kosovës.

“Marrëveshja e përgjithshme Kolektive , Sigurimi shëndetësor , Njohja e përvojës të punës të gjithë zyrtarëve publik -SHC të dëbuar padrejtësisht dhe me dhunë nga puna gjatë viteve të 90 – ta , Caktimi i pagës minimale”, thuhet tutje në njoftimin.

Ata kanë cekur tendencën për frikësimin dhe politizimin e Shërbimit Civil përmes plotësim ndryshimit të ligjit për zyrtarët publik duke kritikuar edhe ekzekutivin se “Qeveria e Kosovës nuk është duke shprehur gatishmëri të plotë për të diskutuar lidhur me këto kërkesa substanciale të adresuar nga SPAK.

Edhe, Sindikata e Bashkuar e Arsimit Shkencës dhe Kulturës, me katër dhjetor do të mbajë një protestë, për shkak të mos miratimit të Ligjit të Pagave.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.