Pas shumë dilemave mbi të ardhmen e tij, Lewis Hamilton do të jetë pjesë e Mercedes për sezonin 2022.
Pas përfundimit të sezonit që shkoi, Hamilton nuk u shfaq fare as para mediave, por as nuk postoi për dy muaj një rrjetet sociale.
Shtatë herë kampioni i botës, e humbi titullin e tetë rekord në xhiron e fundit, ku u parakalua nga Max Verstappen në Abu Dhabi.
Mirëpo, ai fund i garës ngjalli shumë dyshime dhe nga radhët e pilotit britanik dhe skuadrës së tij, duke e konsideruar fundin e garës së fundit si të padrejtë.
Mos aktiviteti i tij për rreth dy muaj në rrjetet sociale, ngjalli shumë dyshime mbi të ardhmen e tij.
Madje, shumë media kishin raportuar që Hamilton do të kthehet vetëm për të zyrtarizuar largimin nga sporti – por kjo nuk ndodhi.
Disa ditë më parë, ai postoi një foto në të gjitha rrjetet sociale, me mbishkrimin: “Ika, tani jam rikthyer”.
Sot, Mercedes ka postuar në Twitter, duke zyrtarizuar rikthimin e tij.
Nga 20 marsi, me garën e Bahrain, Lewis Hamilton fillon rrugëtimin në tentativën e tij për të siguruar titullin rekord, titullin e tetë kampion.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”