Sport

Edhe Newcastle futet në garë për transferimin e Brojës


Armando Broja është një nga futbollistët më të përfolur në Angli në këtë fillim të afatit kalimtar veror.

Shumë klube dëshirojnë ta transferojnë bomberin kuqezi, derisa së fundmi ka dalë në skenë edhe Newcastle United, të cilët janë duke punuar për ndërtimin e skuadrës për sezonin e ardhshëm.

Sipas asaj që raporton “Sky Sports”, pronarët miliarderë të Newcastle kanë kërkuar informacione te Chelsea për sulmuesin kuqezi.

Ata dëshirojnë ta transferojnë Brojën gjatë kësaj vere, qoftë huazim apo blerje të menjëhershme.

Megjithatë, mediat angleze raportojnë se Chelsea do të vendosë për të ardhmen e Brojës vetëm pas fazës përgatitore, pasi që edhe ikja e Lukaku-t te Inter-i ka ndikuar te blutë e Londrës dhe ka gjasa që Broja të mbetet te Chelsea.

Gjithashtu, interesim për sulmuesin 20 vjeçar kanë shprehur edhe dy klubet e tjera të Premier League, West Ham United dhe Southampton.

Kujtojmë që Broja ishte i huazuar te Southampton-i në sezonin e fundit, i cili shënoi nëntë gola dhe dhuroi një asistim në 38 paraqitje në të gjitha garat.

/Albanianpost.com


Lajmet kryesore