Pas medaljes së argjendtë të marrë nga Distria Krasniqi, tashmë një tjetër i është shtuar koleksionit të xhudistëve që përfaqësojnë Kosovën në Grand Slam-in e Tbilisit në Gjeorgji.
Nora Gjakova nuk ka arritur të fitojë në finale përballë xhudistes serbe, Marica Perisic. Kështu ajo merr medaljen e argjendit si vendi i dytë.
Gjakova në ndeshjen e parë vazhdoi pa lojë, derisa në raundin e dytë mposhti xhudisten Mariana Esteves.
Në raundin e tretë apo çerekfinale, Gjakova fitoi ndaj Ichinkhorloo Munkhtsedev duke siguruar avancimin në gjysmëfinale ku e eliminoi kanadezen Jessica Klimkait.
Këtë formë të madhe e mbajti edhe në finale, por pësoi humbje nga serbja Marica Perisic, e cila e kishte mposhtur Flaka Loxhën në raundin e tretë.
Kujtojmë që në këtë garë marrin pjesë 419 garues nga pesë kontinente dhe 61 vende të ndryshme të botës. 221 prej të cilëve janë meshkuj dhe 198 femra.
Kosova përfaqësohet me gjashtë xhudistë në këtë Grand Slam. Distria Krasniqi (-52 kg), Erza Muminoviq (-52 kg), Nora Gjakova (-57 kg), Flaka Loxha (-57 kg), Laura Fazliu (-63 kg) dhe Loriana Kuka (-78kg).
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
