Në nderim të viktimave që kanë humbur jetën të shtunën në Pejë si pasojë e vërshimeve, Komuna e Pejës ka vendosur që ditën e hënë ta shpallë ditë zie.
Lajmi është bërë i ditur përmes një komunikate për media.
Në këtë komunikatë sqarohet se të gjitha angazhimet e planifikuar për ditën e hënë janë pezulluar.
Ky vendim është marrë “në mbështetje të nenit 13 të Ligjit nr.03/L-040 për Vetëqeverisje lokale, si dhe nenit 73, pika 12, e Statutit të Komunës së Pejës, në shenjë nderimi dhe respekti me rastin e humbjes së jetës së nënës Mirsada Ademaj dhe djalit të saj, Dion Ademaj”.
Edhe flamujt janë vendosur në gjysmështizë, ndërsa është thënë se do të aplikohen edhe rregulla të tjera për shënimin e kësaj dite.
Të shtunën pas vërshimeve në Pejë kishin humbur jetën nënë e bir të shtunën dhe janë lënduar dy persona si pasojë e reshjeve të mëdha të shiut.
Një prokurore e krimeve të rënda nga Prokuroria e Pejës kishte dalur në vend të ngjarjes ku humbën jetën nënë e bir dhe ishin lënduar dy persona si pasojë e reshjeve të mëdha të shiut.
“Prokurorja e krimeve të rënda bashkë me hetuesit policorë edhe sot ka dal në vend të ngjarjes për të parë nga afër edhe njëherë vendin e ngjarjes. Për fat të keq, një fëmijë dhe një grua kanë humbur jetën nga përmbytjet”, tha për Albanian Post zëdhënësi i kësaj prokurorie Shkodran Nikçi.
Në anën tjetër, Milaim Ademaj, familjar i viktimave, kishte deklaruar se nga vërshimet një pjesë e kodrës ka rrëshqitur duke e zënë kështu djalin pesëvjeçar.
Ai kishte treguar se nënën e pesë vjeçarit pas shumë kërkimeve e kanë gjetur në një bodrum në një shtëpi, derisa ka theksuar se në rrezik kanë qenë edhe dy fëmijë të tjerë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel
