Futbollisti i Hajduk Split-it në Koraci, Emir Sahiti, ka zgjedhur të përfaqësojë Kombëtaren e Kosovës.
Anësori i majtë ka qenë pjesë e akademisë së Prishtinës, para se të kalonte te Rabotnicki në Maqedoninë e Veriut dhe më pas te kroatët e Hajduk-ut.
Sahiti për herë të fundit, ka qenë pjesë e Kombëtares së Shqipërisë U-21. Me “Shpresat”, ai numëron 11 paraqitje, dy gola dhe një asist.
Këtë sezon me skuadrën kroate, në kampionat, kupë dhe Conference League, ai numëron 23 paraqitje. Pesë gola dhe katër asiste mbajnë emrin e tij.
23-vjeçari në prani të presidentit të Federatës Futbollit Kosovës (FFK), Agim Ademit, këtë të martë të 28 dhjetorit, firmosi dokumentacionin e nevojshëm për t’u paraqitur me verdhekaltrit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
