Klubi i Sevilla-s e ka rinovuar kontratën me trajnerin e tyre, Jose Luis Mendilibar.
Lajmin e ka bërë të ditur vetë klubi andaluzian, të cilët treguan se e kanë vazhduar kontratën me trajnerin e tyre edhe për një vit tjetër.
“Jose Luis Mendilibar rinovohet si trajner i Sevillas deri në qershor të 2024”, thuhet në njoftimin e klubit spanjoll.
🚨 José Luis Mendilibar renews his contract as manager of #SevillaFC until June 2024. ⚪🔴
— Sevilla FC (@SevillaFC_ENG) June 6, 2023
Trajneri spanjoll erdhi te Sevilla në një nga momentet më të vështira të tyre që ka qenë në 20 vitet e fundit.
Ai e mori drejtimin e klubit kur Sevilla ishte afër zonës së rënies në tabelën e La Liga-s, por arriti ta këndellë, madje së fundmi e fituan edhe Ligën e Evropës, duke e mposhtur në finale Romën.
Kujtojmë që Luis Mendilibar gjatë karrierës së tij ka drejtuar vetëm klube spanjolle, mes të cilave janë: Alaves, Eibar, Levante, Osasuna, Athletic Bilbao, etj.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com