![](https://albanianpost.com/wp-content/uploads/2023/05/LAJMI-I-FUNDIT-1.jpg)
Dy persona kanë vdekur në një shtëpi banimi në Bjeshkët e Junikut.
Sipas informacioneve që ka prokuroria dyshohet se arsyet janë shpërthimi i një bombole gazi.
Lajmin për Albanian Post e ka konfirmuar zëdhënësi i Prokurorisë Themelore në Pejë, Shkodran Nikqi.
“Janë dy trupa te pajete që janë gjetur në një shtëpi banimi në Bjeshkët e Junikut. Prokurori i krimeve të rënda është duke shkuar ne vend te ngjarjes. Njësitet relevante policore do të bëjnë hetim rreth shkakut i vdekjes se tyre”.
“Dy trupat e pajetë do të dërgohen për autopsi në mjekësin ligjore IML”, ka thënë ai për AP.
Po ashtu, të dielën një person në Gjilan ishte therur e pas këtij rasti ishin arrestuar gjashtë persona.
Lajmi ishte bërë i ditur përmes raportit 24 orësh të Policisë së Kosovës.
“Si pasojë viktima është plagosur në këmbë. Në vendin e ngjarjes, gjatë kontrollit të veturës së personave të dyshuar është gjetur dhe konfiskuar një armë gjuetie. Viktima është dërguar në tretman mjekësor dhe i njëjti sipas raportit mjekësorë është jashtë rrezikut për jetë”.
“Me vendim të prokurorit pesë të dyshuar ishin dërguar në mbajtje, ndërsa i dyshuari i mitur është liruar në procedurë të rregullt”, thuhet në raportin e Policisë.
Njësiti i hetimeve të përgjithshme në Gjilan në koordinim me prokurorin e shtetit është thënë se janë duke punuar në ndriçimin dhe sqarimin e rrethanave të rastit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mexhiti: Po punojmë çdo ditë që ish ushtari i UÇK-së të lirohet
-
LDK-ja pranon ftesën e Osmanit për diskutimin e datës së zgjedhjeve
-
Elshani për garën e kërcimit në Ujman: Për ne është detyrë, dikush mund ta shoh si provokim
-
KFOR: Kemi patrullime të rregullta në kufirin me Serbinë për siguri dhe stabilitet