Dy persona kanë mbetur të lënduar nga aksidenti në Prishtinë të enjten, në të cilin janë përfshirë tri automjete.
Lajmin për Albanian Post, e ka konfirmuar zëdhënësja e policisë për rajonin e Prishtinës, Flora Ahmeti.
“Rreth orës 13:00 kemi pranuar informatën se në rrugën “Dëshmorët e kombit ” në Prishtinë, ka ndodhur një aksident trafiku me lëndime. Në këtë aksident kanë qenë të përfshira tri automjete. Si pasojë e aksidentit lëndime trupore kanë pësuar dy persona”, ka thënë Ahmeti.
Tutje, ajo ka theksuar se me këtë rast është duke u marr hetuesia nga njësiti i trafikut rrugor.
Edhe më 28 qershor, si pasojë e një aksidenti, në Prishtinë ishin lënduar tre persona.
Po ashtu, më 23 qershor, dy persona kishin ndërruar jetë nga aksidentet.
Policia e Kosovës, vazhdimisht ka apeluar për kujdes gjatë vozitjes dhe respektim të rregullave të trafikut.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
