Duel titanësh mes Messi-t dhe Mbappe-s: Cili do jetë lojtari më i mirë i botërorit

Ata janë dy emrat e mëdhenj të Botërorit 2022 dhe nga sot dy lojtarët më vendimtarë në futbollin botëror. Shokët e skuadrës në PSG, Lionel Messi dhe Kylian Mbappe do të takohen në ora 16:00, për të luajtur në finalen e Kupës së Botës mes Argjentinës dhe Francës.

Vetëm njëri nga të dy mund të bëhet kampion bote, edhe pse finalja e Kupës së Botës në Katar mund të vendosë më shumë se trofeun kolektiv.

Në nivel individual, argjentinasi dhe francezi po luftojnë për të përfunduar si golashënuesi më i mirë i turneut. Kapiteni i Albiceleste ka një avantazh të lehtë me pesë gola dhe tre asistime ndaj francezit pesë gola dhe dy asistime.

Me fjalë të tjera, nëse asnjëri prej tyre nuk shënonte në finale, Messi do ta merrte trofeun pasi kishte dhënë një asistim më shumë se sulmuesi francez.

Të dy janë gjithashtu në garë për Topin e Artë në Kupën e Botës në Katar. Ata janë favoritët për t’u shpallur lojtari më i mirë i turneut për paraqitjet e tyre gjatë gjithë kohës.

Megjithatë, në këtë luftë mund të shfaqet një mysafir i papritur. Kjo alternativë duket se është në anën franceze me paraqitjet e shkëlqyera të Antoine Griezmann.

Lojtari i Atletico Madrid u shpall MVP në gjysmëfinalen kundër Marokut dhe është kthyer në një pretendent serioz për t’u shpallur lojtari më i mirë i këtij Botërori.

Është më e vështirë të mendosh për një lojtar argjentinas që mund të rrëzojë të lartpërmendurit, megjithëse nuk do të ishte çmenduri të mendosh se nëse Julian Alvarez, i cili shënoi dy gola në gjysmëfinale, vendos finalen me një gol, ai mund ta fitojë atë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.