Duam garë të “Formula 1” në Shqipëri, thotë Rama nga panairi i parë i makinave në Shqipëri

Kryeministri i Shqipërisë, Edi Rama, në një fjalë të mbajtur në çeljen e panairit të parë të makinave në Shqipëri, i zhvilluar në ambientet e Expocity, ka thënë se dëshira afatgjatë është ajo e zhvillimit të një gare të kampionatit botëror të “Formula 1” në kompleksin e autoparkut të Elbasanit.

“Ky aktivitet ka një profil shumë të veçantë dhe ne do vazhdojmë më këmbëngulje punën për autoparkun e madh të Elbasanit, ku shpresojmë që ëndrra për të parë një garë të ‘Formula 1’, natyrisht jo në të ardhmen e afërt, por në një të ardhme të arritshme të frymëzon”, tregoi kryeministri gjatë fjalës së tij.

Mbi të gjitha, ai ka ftuar qytetarët që të vizitojnë fillimisht panairin, pasi është shumë i veçantë në këndvështrimin e tij.

Më së shumti, për faktin se gjen hapësirë edhe një mjeshtëri, për të cilën duhet shtyrë edhe më tej sipas kreut të Qeverisë.

Kjo mund të jetë edhe një mënyrë e mirë për të krijuar hapësira të reja dhe vende pune.

Një ftesë shkoi edhe për fëmijët e vegjël nga ana e kryeministrit, duke siguruar se ka hapësira argëtimi edhe për ta në autopark.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.