Dua Lipës i jepet leja për rinovim të shtëpisë në Londër, pas pothuajse dy vjetësh

Këngëtares shqiptare, Dua Lipa më në fund i është dhënë leja për të filluar rinovimin e shtëpisë së saj në Londër, pas një beteje gati dyvjeçare.

Ylli i hitit “New Rules”, 27 vjeçe, e bleu pronën në vitin 2017 për 6.75 milionë funte kur ishte vetëm 22 vjeçe.

Por, pas paraqitjes së planeve të propozimit në dhjetor të vitit 2021 për të ndërtuar një pishinë, dhomë me avull, dush, dhomë zhveshjeje, zonë relaksi, kinema, zonë pritjeje në studio dhe holl – ajo hasi në probleme me leje ndërtimi nga sistemi konservator, shkruan DailyMail, transmeton AlbanianPost.

Tani, ajo më në fund ka marrë lejen e shumë kërkuar, derisa ekipeve punëtore që janë angazhuar për rinovimin e shtëpisë së artistes u është kërkuar të mbajnë zhurmën në minimum dhe mund të përdorin vetëm makineri që nuk janë më të forta se një pëshpëritje.

“Planet e Duas për shtëpinë e saj janë epike dhe pas katër vitesh ajo më në fund ka filluar të kërkojë ndërtues për të filluar punën në studion e saj muzikore, pishinën, palestrën, kinemanë dhe zonën e qetësimit”, ka thënë një burim pranë Duas.

“Ajo duhet t’u përmbahet disa marrëveshjeve mjaft strikte për shkak të kundërshtimeve të shumta ndaj planeve të saj për humbjen e hapësirës së gjelbër. Çdo ekip ndërtimi do të duhet të mbajë tingujt e veglave elektrike në një pëshpëritje dhe të gjitha pajisjet duhet të montohen me izolues kundër vibrimit”, shton ai.

Në atë kohë, ajo kishte një debat të nxehtë me konservatorët mbi planet e saj të stilit “Grand Designs” për një rinovim masiv të shtëpisë.

Ajo gjithashtu donte të prishte një shtesë të pasme dhe të ndërtonte një të re për të krijuar një dhomë familjare me një çati të gjelbër – gjë që planifikuesit në këshillin lokal dhe konservatorët e kundërshtuan.

Përveç planeve për një rinovim të gjerë, këngëtarja donte të copëtonte një pamje zbukuruese dhe një shelg të qarë si dhe të kryente riparime në një mur tradicional në strehën trekatëshe.

“Kam aplikuar për leje planifikimi për punimet e propozuara sepse prona ndodhet në një zonë të caktuar konservimi, por një forum lokal i lagjes e kundërshtoi aplikimin”, pati thënë Dua aso kohe.

Kurse, kundërshtimi i forumit thoshte se – “Meqenëse rinovimi nuk duket se është në përputhje me të gjitha politikat përkatëse të Planit të Fqinjësisë, Forumi dëshiron të kundërshtojë aplikacionin”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.