Është drejt shuarjes një zjarr masiv i rënë në Shkodër pasditen e 14 qershorit, në zonën e tregut të rrobave të përdorura.
Sipas një njoftimi zyrtar nga ministri i Mbrojtjes, Niko Peleshi, një helikopter Cougar është nisur menjëherë për ndërhyrje, pas marrjes së njoftimit mbi këtë zjarr të rënë.
“Menjëherë pas marrjes së njoftimit, helikopteri Cougar dhe një grup efektivësh të FA u janë bashkuar forcave zjarrfikëse në aksionin për shuarjen e zjarrit të rënë në lagjen Qafhardhi, në Shkodër rreth orës 19:00”, shkruhet në njoftim.
Strukturat e Mbrojtjes Civile në nivel vendor dhe qendror kanë bërë evakuimin e menjëhershëm të banorëve, ndërsa aktualisht flakët janë nën kontroll. Forcat në terren po punojnë për normalizimin e situatës për të izoluar edhe vatrën e fundit
“Gjithmonë në gatishmëri për të siguruar mbrojtjen e jetës dhe pronës së qytetarëve!”, përmbyll Peleshi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
