PSG u përballë me Bayern Munich-un në “Allianz Arena” për çerekfinalet e Ligës së Kampionëve dhe Kylian Mbappe shënoi dy gola, ne atë fitore 2-3 të parizienëve.
Dy golëshi i Mbappe-s dhe goli i kapitenit, Marquinhos i dhanë avantazhin në ndeshjen e parë PSG-së, që gjithashtu pësoi dy gola nga vendasit. Ish lojtari i PSG-së, Eric Choupo Moting-u dhe Thomas Muller-i shënuan për Bayern-in.
Paraqitja e francezit Mbappe, vijon të jetë me ritme të larta. Ai e tregoi më së miri kundër Barcelona-s, me katër golat e shënuar në të dy ndeshjet. Po ashtu ai e tregoi dhe kundër Bayern-it.
Julian Draxler-i, mesfushori gjerman i PSG-së i ka thurur elozhe bashkëlojtarit të tij, pas ndeshjes.
“Kjo është ajo për të cilën ai është atje, sepse ai ka cilësinë si askush tjetër në botë, ne kemi nevojë për shpejtësinë e tij dhe kur ai ka shansë, shënon dhe kjo është me të vërtetë e rëndësishme për ne dhe sidomos sonte (të mërkurën)”, tha Draxler-i për BT Sport.
PSG-ja si ekip udhëtues, kishte që nga 1994 që nuk fitonte kundër Bayern-it, në Ligën e Kampionëe.
“Kishim shumë për të bërë sonte (të mërkurën) sepse mënyra sesi ata luajnë është vërtet e rrezikshme me ose pa Lewandowski-n”.
“Do të jetë e njëjta punë e vështirë në ndeshjen tjetër kundër tyre. Ne do të luajmë në shtëpi, në Paris dhe do të përpiqemi të fitojmë dhe të kalojmë në raundin tjetër”, shtoi gjermani.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
