Drashkoviç: Plani evropian duhet pranuar, humbja e mundësisë së ofruar është e barabartë me tragjedi

Kryetari i Lëvizjes për Ripërtëritjen Serbe, Vuk Drashkoviç, ka vlerësuar se plani franko-gjerman (evropian) për normalizimin e marrëdhënieve në mes të Kosovës dhe Serbisë “është jetësor” dhe se duhet pranuar pa kushte nga Serbia.

“Humbja e mundësisë së ofruar është e barabartë me tragjedi”, kështu e komentoi ai ndonjë refuzim eventual të planit franko-gjerman nga Serbia.

Për planin evropian, Drashkoviç bëri një anologji me planin e Sekretarit të Shteteve të Bashkuara të Amerikës, James Baker në vitin 1991, “i paraqitur në një bisedë në Beograd me të gjithë liderët republikanë dhe federalë, që i referohej mbështetjes së ShBA-së për integritetin territorial dhe sovranitetin e Jugosllavisë dhe kundërshtimin ndaj shpalljes së njëanshme për shkëputje, si dhe kundërshtimin e ruajtjes së unitetit të vendit me dhunë”, rapotojnë mediat serbe.

“Ne e kemi refuzuar atë ofertë dhe e dimë se çfarë ka ndodhur më pas, besoj se duhet pranuar pa kushte dhe se do të jetë një tragjedi nëse e humbim atë mundësi, nuk do të ketë mundësi pas saj, do të ketë, por do të jenë katastrofike”, tha ai.

Ndërkaq, Drashkoviç pyeti se cila ishte oferta nga pala tjetër (Rusia) dhe u shpreh se e dëgjuam nga Moska – “refuzoni planin francez amerikan – prisni derisa të mboshtim Ukrainën, derisa të mbarojmë me Ukrainën dhe ukrainasit, dhe pastaj do të kemi gjeopolitike të re, dhe një Rusi fitimtare”, por sipas tij nuk duhet bërë kjo në asnjë mënyrë.

“Në vitin 1991, ata e refuzuan Baker’in, prisnin Moskën në një përsëritje të viteve 1920, e cila tani këshillohet ta refuzojë këtë plan shpëtimtar, nuk do t’i kisha refuzuar as presje dhe do të kisha nënshkruar”, potencoi ai.

“Ukraina dhe ukrainasit nuk do të vdesin dhe shpresoj për një rebelim të madh të Rusisë, sepse ajo që po ndodh në Ukrainë nuk është vetëm një krim kundër Ukrainës, por kundër Rusisë, popullit rus, historisë, kulturës, për herë të parë në botë fjala Rusi shqiptohet si murtajë, rusët duhet t’i pengojnë kësaj”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.