![](https://albanianpost.com/wp-content/uploads/2022/01/PEJAAAAA-1.jpg)
Një ndeshje shumë interesante është zhvilluar në Pejë në kuadër të Ligës Unike.
Pejanët ishin nikoçir të Teutës në Palestrën Sportive Karagaçi.
Ndeshja e sontshme ishte shumë interesante dhe prodhoi shumë spektakël, me Pejën që vetëm në sekondat e fundit arriti fitore.
Pejanët ishin më të mirë në çerekun hapës të takimit, por një ecuri shumë e mirë në çerekun e dytë i dërgoi durrsakët në epërsi në pushimin mes pjesëve.
Epërsinë e mbajtën edhe në periudhën e tretë, duke iu drejtuar fraksionit mbyllës të ndeshjes me rezultat pozitiv.
Mirëpo, një seri 12-2 në fund i ndihmoi shumë pejanëve, që dolën në epërsi, të cilën e ruajtën deri në fund.
Në fund, takimi u mbyll me vetëm dy pikë epërsi në të mirë të Shqiponjave, me Pejën që fitoi me rezultat 103-101.
Me këtë fitore, Peja ngjitet në krye të Ligës Unike me 14 pikë, derisa Teuta mbetet në vendin e tretë me 12 pikë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com