Drejtoria e Përgjithshme e Shërbimeve të Transportit Rrugor ka bërë me dije të premten e 17 dhjetorit se janë miratuar ndryshimet në Kodin Rrugor për sa i përket targave të automjeteve, duke filluar nga viti 2022.
“Për herë të parë do të kemi targë me dimensione më të vogla, për përpara, për automjetet që kanë kufizim hapësire! Targa e re e vogël do të ketë dimensionet 360 x 100 mm”, shkruhej në njoftimin e bërë publik në median sociale Facebook nga DPSHTRR.
Më tej ajo thekson se risi do të jenë targat e personalizuara. Ato do të jenë deri me shtatë karaktere – numra ose germa – e cila për herë të parë do të jetë edhe e transferueshme nga mjeti në mjet.
Një tjetër risi është ajo e targave forma amerikan, për automjetet që nuk kanë hapësirën e duhur për formatin standard – zakonisht për targën e pasme – me përmasa 305 x 153 mm.
“Për herë të parë targat e motoçikletave do të jenë në formatin e ri 177 x 177 mm për t’u përshtatur me hapësirën standard të prodhuesit për motomjetet”, vijon prezantimin DPSHTRR-ja.
Po ashtu, DPSHRR-ja njoftoi se shpejtohet kompletimi i flotës shqiptare të mjeteve rrugore me targën standard të modelit aktual.
Nga ana tjetër çdo mjet rrugor i pajisur me targa para shkurtit të vitit 2010 (me targa modeli i vjetër), që paraqitet pranë zyrave të DPSHTRR-së për të marrë një shërbim që lidhet me mjetin, duhet të ndryshojë targat në ato të modelit të ri.
Këto risi vlejnë për të gjitha kategoritë e mjeteve rrugore civile dhe do të kryhen kundrejt një tarife për secilën shërbim.
“Në vijim, me botimin e ndryshimeve në Fletoren Zyrtare, DPSHTRR – MIE do të procedojnë me aktet rregullatorë, caktimin e tarifave, dhe kryerjen e investimeve dhe zhvillimeve informatike përkatëse që do të mundësojnë zbatimin e këtyre risive”.
Në përfundim të ardhurat ekstra nga këto shërbime do të shkojnë për modernizimin e DPSHTRR-së si edhe për projekte e programe speciale mbi kulturën automotive e “Green”, sektorin “Retro”, “Automotoparkun” e parë shqiptar dhe për aktivitete edukative mbi Sigurinë Rrugore.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Forcat izraelite thonë se kanë nën kontroll anën lindore të Gazës, në kalimin Rafah
-
Meta mbledh Kryesinë e PL-së, merr zotim të çlirojë administratën nga korrupsioni dhe nepotizmi
-
Aksioni policor në Tepelenë zbulon shtëpinë e barit me mbi 230 rrënjë kanabis, shoqërohen 4 persona
-
Këlliçi çon Veliajn në SPAK, për lidhje me Ndrangheta-n