![](https://albanianpost.com/wp-content/uploads/2024/05/Doyle-1.jpg)
Zëdhënësi i Dhomave të Specializuara të Kosovës në Hagë, Michael Doyle, ka deklaruar se ish krerët e Ushtrisë Çlirimtare të Kosovës, që po gjykohen në Hagë, s’mund të gjykohen në liri për shkak të rrezikut të arratisjes e pengimit në drejtësi.
Sipas tij, rreziku që “të kryhen krime të tjera” është akoma i pranishëm.
“Trupi gjykues çdo dy muaj duhet të vlerësojnë nëse arsyet justifikojnë dënimin e të akuzuarit ato duhet të vlerësojnë nëse ekziston rreziku se personi do të arratiset, nëse do të pengojnë drejtësinë ose rrezikojnë që i akuzuari të bëjë krime të tjera, të gjitha këto rishikime bëhen çdo dy muaj”.
“Deri tani trupi gjykues, ka konstatuar se ekziston rreziku i pengimit te vazhdimësisë dhe mundësisë për krime tjera. Ka pasur indikacione, të dhëna qe disa gjera janë komunikuar në dhomën e dënimit për dëshmitarë të mbrojtur dhe deri me tani gjykatësit thonë se rreziku që i akuzuari mund të pengoj procesin dhe te kryej krime tjera”, ka thënë ai.
Sa i përket afatit të zgjatjes së këtij procesi gjyqësor, ai ka thënë se afati është deri në prill të vitit 2024 – por që mund të ndërmerren veprime për ta zgjatur afati.
“Prokuroria më herët ka dhënë një afat deri në prill të vitit 2025, për prezantimin e rastit të tyre dhe gjykatësit kanë ndërmarrë hapa së bashku me palët se si të vazhdojnë sa më shpejt të mundën”, ka thënë Doyle gjatë një interviste për agjencinë e lajmeve Ekonomia Online.
Doyle, nuk u tregua optimist se ky proces do të përfundojë në vitin 2025.
“Nuk do te doja të spekuloja rreth kësaj por ajo çka kemi dëgjuar se fundmi gjatë kësaj jave në sallën e gjyqit, kemi dëgjuar gjykatësit duke pyetur nëse dhe si po planifikojnë te përfundojnë rastin e tyre përgjatë këtij afati. Kemi dëgjuar prokurorinë duke thënë se ende janë duke punuar drejt afatit të dhënë për prill të vitit 2024 por ata gjithashtu kane thënë se kanë kërkuar reduktimin dhe përshpejtimin në ecjen e dëshmive”, është shprehur ai.
Zyra e Prokurorit të Specializuar (ZPS), ka dorëzuar një parashtrim përmes të cilit ka njoftuar panelin e trupit gjykues në rastin e ish-krerëve të Ushtrisë Çlirimtare të Kosovës, që nuk do të mbështetet në dëshminë e 10 dëshmitarëve.
Prej mbi 300 dëshmitarëve në total, deri tani janë dëgjuar 68 prej tyre – shqiptarë, serbë, ekspertë ndërkombëtarë, ish-komandantë të UÇK-së e viktima të pretenduara të luftës – kryesisht në seanca të mbyllura.
Ish-presidenti i Kosovës, ish-kryeparlamentarët kosovarë dhe ish-shefi i deputetëve të Lëvizjes Vetëvendosjes (LVV), akuzohen nga e Zyra e Prokurorit të Specializuar (ZPS) për vrasje të pretenduara, torturë e trajtim mizor në periudhën midis viteve 1998–1999.
Në procesin gjyqësor që nisi më 3 prill 2023, katër ish-drejtuesit e UÇK-së u deklaruan të pafajshëm.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com