Braziliani Douglas Costa që momentalisht është i huazuar nga Juventus-i tek Bayern Munich-u, mund të largohet në fund të janarit, nga kampionët e Gjermanisë. Sipas The Telegraph-it, Costa mund të huazohet tek anglezët e Wolverhampton-it.
Costa më parë ka qenë lojtar i Bayern-it, në vitet 2016-2018, para se të blihej nga Juventus-i për shifrën e 40 milionë eurove.
Braziliani nuk arriti të bindi as te Bayern-i as te Juventus-i, e madje as në rikthimin e tij në Mynih nuk ka bindur.
Këtë sezon me gjermanët e Bayern-it, Costa, ka luajtur 19 ndeshje në të gjitha kompeticionet dhe ka shënuar vetëm një gol dhe tre asiste.
30-vjeçari tashmë ka një opsion të ri, Anglinë. Skuadra e Wolves-it e kërkon brazilianin si alternativ në sulmin e saj./ AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com