Dortmund ngjitet në krye të Bundesliga-s

Borussia Dortmund ka fituar takimin e javës së 25 në Bundesliga duke rimarr përkohësisht kreun e renditjes. Verdhezinjtë triumfuan në “Signal Iduna Park” 6-1 përballë Koln-it.

BVB shënoi katër herë brenda pjesës së parë. Serinë e golave e hapi portugezi, Raphael Guerreiro në minutën e 15. Më pas, dy minuta më vonë sulmuesi Sebastian Haller dyfishoi rezultatin për vendasit.

Në minutën e 32, kapiteni Marco Reus realizoi golin e tretë për Dortmund-in. Katër minuta pas golit të gjermanit do të ishte radha e holandezit, Donyell Malen për të shënuar.

Davie Selke do të shënonte për miqtë nga Koln në minutën e 42.

Në pjesën e dytë, Dortmund do të gjente edhe dy herë të tjera rrjetën me dyshen Haller – Reus (69’, 70’).

Me fitoren e arritur, Dortmund ngjitet në krye të Bundesliga-s me 53 pikë. Një pikë me shumë se Bayern Munich i vendit të dytë. Por, bavarezët kanë një ndeshje më pak. Ata do të luajnë të dielën përballë Bayer Leverkusen në transfertë.

Koln ka 27 pikë dhe gjendet në vendin e 13 në renditje. Janë vetëm gjashtë pikë që i ndajnë ata nga zona e nxehtë e rënies nga kategoria.

Renditja e Bundesliga:

Rezultatet e javës së 25 në Bundesliga:

Borussia Monchengladbach 2-2 Werder Bremen

Hoffenheim 3-1 Hertha

Augsburg 1-1 Schalke 04

Stuttgart 0-1 Wolfsburg

Bochum 1-0 Leipzig

Të dielën do të luhen sfidat e mbetura të javës së 25 në Bundesliga:

Union Berlin – Eintracht Frankfurt (ora 15:30);

Bayer Leverkusen – Bayern Munich (ora 17:30);

Mainz – Freiburg (ora 19:30).

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.