Bundesliga e nisi javën e 16-të me 16 gola në vetëm katër ndeshje të martën.
Sonte, kjo javë mbyllet me pesë ndeshjet tjera që janë në program.
Me fitoren përballë Stuttgart, Bayern-i e siguroi mbylljen e vitit në vendin e parë, pra ajo çfarë Dortmund-i mund të bëj, është ta mbaj nën presion skuadrën e Nagelsmann.
Verdhezinjtë luajnë ndeshjen më të lehtë të sezonit deri tani, të paktën në letër.
Në “Signal Iduna Park”, skuadra e Marco Rose-s pret Greuther Furth-in e vendit të fundit.
Greuther Furth pas 15 ndeshjeve, ka vetëm katër pikë, derisa javën që shkoi arriti vetëm fitoren e parë.
Dortmund në anën tjetër ndodhet në vendin e dytë dhe me një fitore e mban diferencën prej gjashtë pikëve me kryesuesit.
Në të njëjtin orar, 20:30, zhvillohen edhe tri ndeshje tjera.
Leipzig-u udhëton te Augsburg-i i vendit të 16-të, në tentativë për tu afruar me kundërshtarët që gabuan së fundmi.
Augsburg me një fitore do largohej nga zona e ftohtë.
Dy duele tjera për Evropën janë Bayer Leverkusen – Hoffenheim dhe Union Berlin – Freiburg.
Dita nis me ndeshjen Borussia Monchengladbach – Eintracht Frankfurt në orën 18:30.
Kështu mbyllet java e 16-të, derisa gjysma parë e sezonit mbyllet në fundjavë, me skuadrat që pastaj i drejtohen festave të fundvitit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Lehtësimi i jetës së shqiptarëve, ligji i luftës dhe e ardhmja evropiane – Cilat ishin mesazhet e Ramës në Athinë?
-
PD letër Nikollës, për të ‘kthyer në shina’ Komisionin Hetimor për Shëndetësinë
-
Rusia pretendon se ka pushtuar pesë fshatra kufitare në Kharkiv mes ofensivës së re
-
Synimi i Kurtit për ta (ri)marrë Prizrenin | Totaj: Sa ka qenë LVV-ja në pushtet, qyteti ka përjetuar fazën e stagnimit