![](https://albanianpost.com/wp-content/uploads/2021/11/88.jpg)
Ministrja e Arsimit, Shkencës, Teknologjisë dhe Inovacionit (MAShTI), Arbërie Nagavci, gjatë promovimit të doracakut për mësimdhënës me aktivitete mbi të drejtat e fëmijëve, theksoi që ky doracak ka për qëllim ngritjen e cilësisë në arsim.
“Ky doracak ofron rritje dhe ndërgjegjësim për mësimdhëniet në lidhjen me Ligjin për mbrojtjen e fëmijëve si dhe u ofron nxënësve mundësi të dinë për të drejtat e tyre. Ky doracak ngrit cilësinë në arsim. Mbrojtja dhe promovimi i të drejtave të fëmijëve është qëllim i Qeverisë dhe ministrisë”.
Sipas saj, duhet që të rritet ndërgjegjësimi i mësimdhënësve për të drejtat e fëmijëve, por edhe këta të fundit të dinë më shumë për të drejtat dhe liritë e tyre.
“Ne në ministri jemi duke punuar në implemtimin e ligjit për mbrojtjen e fëmijëve në shumë fusha, duke filluar nga dhuna e deri te ndalja nga shkolla. Edukimi është esencë dhe bazament i një shoqërie”, deklaroi Nagavci.
Nagavci, konsideron si ky doracak do të jetë pjesë e përditshme e mësimdhënësve.
“Implementimi i këtij doracaku duhet të jetë pjesë e përditshme e pandalshme e mësimdhënësve”.
![](https://albanianpost.com/wp-content/uploads/2021/11/256669827_708425143452917_4251264313032618952_n.jpg)
“Doracaku është online në ueb faqen e MAShTi, kopje fizike do të shpërndahen edhe në shkolla, atë mund ta kenë edhe prindërit dhe ata që kanë interes. Respektimi i të drejtave të fëmijëve duhet te jetë pjesë e synimeve dhe qëllimeve tona të përditshme”.
Ndërsa, Habit Haradinaj, drejtor për Qeverisje të Mirë në zyrën e kryeministrit, theksoi se po punohet në hartimin e akteve nënligjore për mbrojtjen e fëmijëve.
“Mbrojtja e fëmijëve kërkon angazhimin e të gjithëve pa përjashtim. Për ne si Qeveri kjo është prioritet dhe jemi në progresin më të madh në nxjerrjen e akteve nënligjore dhe po bëjmë harmonizimin e tyre. Ky bashkëpunim sjell progres, këtë e kemi obligim për fëmijët”, sqaroi Haradinaj.
Ndërkaq, Kanarina Shehu nga Save the Children, deklaroi se synojnë që fëmijët të kuptojnë të drejtat e tyre dhe të kërkojnë llogari.
“Kemi mbështetur ministrinë për ngritjen e kapaciteteve. Kemi filluar të punojmë edhe për të drejtat e fëmijës”. Ky doracak është shërbim adekuat, me të cilin synojmë që fëmijët të kuptojnë të drejta e tyre dhe kërkimit të llogaridhënies gjatë vijimit të edukimit”, thotë Shehu.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“ALBAS” mohon lidhjet me Nagavcin për tenderat e librave
-
Osmani për Enver Zymberin: Guximi, përkushtimi dhe profesionalizmi i tij shembull i shërbimit dhe sakrificës për atdhe
-
Edhe zyrtarisht Lajçak-ut i zgjatet mandati deri më 31 janar 2025
-
1\4 e kohës së tij, Kurti e ka kaluar në të pame, homazhe e akademi përkujtimore
Lajmet kryesore
-
Ndryshimet në Kodin Zgjedhor, OSBE: Shpresojmë që të respektohen kuotat gjinore
-
Balla pret Wisner: SHBA, mbështetje Shqipërisë në sfidat e sigurisë publike
-
Mburoja kundër dronëve dhe metali i shkrirë: Një udhëtim në fabrikën e çelikut të Stalinit që armatos ushtrinë ukrainase
-
Edhe zyrtarisht Lajçak-ut i zgjatet mandati deri më 31 janar 2025