Portieri i Italisë, Gianluigi Donnarumma, ka marrë epitetin e lojtarit më të mirë në Kampionatin Evropian, Euro 2020.
Donnarumma e mori këtë çmim menjëherë pas përfundimit të finales, mes Italisë dhe Anglisë, që u fitua nga kombëtarja e tij, vetëm pas ekzekutimit të penaltive.
22-vjeçari pati paraqitje fantastike në këtë Evropian, që nga faza e grupeve e deri te finalja, i cili me ndërhyrjet e tij, mbajti të paprekur portën e Italisë.
Italiani ishte njeriu më meritor që Italia ngrehu lartë trofeun, i cili përveç se ishte shumë i mirë gjatë finales, ai priti edhe dy penalti, gjatë ekzekutimit të 11-metërshve.
Kujtojmë që Donnarumma debutoi me kombëtaren e Italisë, në vitin 2016, kur ishte vetëm 17-vjeçar, derisa tani ai ka 33 paraqitje me të kaltrit.
Kurse, ai së fundmi u largua nga klubi i Milan-it me të cilët filloi karrierën në moshën 16-vjeçare, për t’u bashkuar me francezët e Paris Saint German. Donnarumma ka mbrojtur 251 ndeshje me klubin e Milan-it në të gjitha garat.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com