Donjeta Sahatçiu, emërohet nënkryetare e Prishtinës nga PDK-ja

Partia Demokratike e Kosovës, ka caktuar Donjeta Sahatçiu për pozitën e nënkryetares së Komunës së Prishtinës.

Të mërkurën, PDK ka prezantuar emrat e kabinetit për qeverisje me Lidhjen Demokratike të Kosovës në Prishtinë.

Mirëpo, përveç Sahatçiut, PDK-ja do të ketë edhe Drejtorinë e Arsimit që do të udhëhiqet nga Besiana Musmurati, ajo e Shërbimeve Publike nga Ilirik Musliu, ajo e Sportit nga Granit Rugova dhe ajo e Bujqësisë nga Plator Gërdovci.

Nënkryetar, pos Sahatçiut, do të jetë edhe Alban Zogaj.

Arbër Sadiki është drejtor i Urbanizmit, Mimoza Sylejmani e Planifikimit Strategjik dhe Zhvillimit të Qëndrueshëm, Krenar Xhaferi drejtor i Investimeve Kapitale dhe Menaxhimit të Kontratave.

Dorutinë Maloku drejtoreshë e Pronave, Donat Lushtaku drejtor i Kadastrit, Adelina Sahiti drejtoreshë e Mirëqenies Sociale, Izet Sadiku drejtor i Shëndetësisë.

Valbona Makolli drejtoreshë e Financave, Florian Dushi drejtor i Inspekcionit, Donika Çetta drejtoreshë e Parqeve dhe Bersant Beka drejtor i Administratës.

Kryetari Rama javë më parë kishte publikuar pjesëtarët e kabinetit që vijnë nga LDK-ja.

Më 7 dhjetor të vitit të kaluar, Rama ka marrë postin e kryetarit të Prishtinës.

Më 28 janar, i pyetur për këtë çështje, kryetari i Prishtinës, Përparim Rama në konferencë për media refuzoi të përgjigjet, ndërsa insistoi që të flitet vetëm për problemin e qenve endacak.

“Unë kisha dasht, me ju lut të fokusohemi në temë sot, sepse kjo është çështje e sigurisë”, është deklaruar Rama.

Me gjithë insistimin e gazetarëve që të marrë një përgjigje, duke marrë parasysh edhe reagimin e Këshillit të Prindërve të Prishtinës, për mocaktimin e drejtorit të Arsimit, Rama nuk është deklaruar.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.