Sport

“Djo-covid” – S’ka vizë për Nolen, do të deportohet


Për herë të dytë dhe ndoshta e fundit, Australia ia anulon vizën tenistit serb, Novak Djokovic.

Vendimi është marrë nga Ministri i Emigracionit, Alex Hawke, vendim në të cilin u dha dëbimi i serbit nga Australia.

“Sot ushtrova fuqinë time për të anuluar vizën nga z. Novak Djokovic për arsye shëndetësore dhe gjendje të mirë, mbi bazën se ishte në interesin publik për ta bërë këtë,” tha ministri në një deklaratë.

Ky veprim do të thotë gjithashtu se Djokoviç ka të ngjarë të përballet me një ndalim tre-vjeçar për marrjen e një vize tjetër australiane.

Megjithatë, 34-vjeçari serb mund të nisë një tjetër sfidë tjetër ligjore për të qëndruar në Australi

Numri një i tenisit për meshkuj ishte planifikuar të luante në “Australian Open”, Grand Slam ky që do të fillojë të hënën e ardhshme.

Kujtjojmë që Djokoviçi-t iu revokua viza fillimisht pas mbërritjes së tij në Melburn më 6 janar, pasi zyrtarët e Forcave Kufitare Australiane thanë se ai “dështoi të siguronte provat e duhura” për t’u përjashtuar nga vaksina anti-COVID.

Gjithashtu pati edhe reagime të mëdha nga populli australian, i cili ka jetuar nën disa nga bllokimet më të gjata dhe më të rrepta në botë gjatë pandemisë.

Ai u ndalua, kaloi orë të tëra në kontrollin e imigracionit në aeroport dhe më pas kaloi ditë të tëra në një hotel imigracioni.

Ditë më vonë viza e tij u rivendos nga një gjykatës, i cili urdhëroi lirimin e tij, duke vendosur që zyrtarët e kufirit shpërfillën procedurën e duhur kur ai mbërriti.

Por, të premten në mbrëmje në Melburn, Hawke anuloi vizën e Djokoviçi-t nën fuqi të veçanta në Aktin e Migracionit të Australisë.

/Albanianpost.com

Lajmet kryesore