Dita e të Drejtave të Njeriut: Të gjitha qeniet njerëzore lindin të lirë dhe të barabartë

“Të gjitha qeniet njerëzore lindin të lirë dhe të barabartë në dinjitet dhe të drejta”.

Ku ishte mesazhi që dha Ambasada e SHBA-ve në Tiranë, për sa i përket Ditës së të Drejtave të Njeriut.

Më tej në median socialë Twitter, nga Ambasada theksohet se, “Demokracia nuk është vetëm një sistem qeverisjeje. Është mekanizmi që u mundëson të gjithë qytetarëve të shprehen pa frikë”.

Ndër të tjera në këtë Ditë, ambasada vijon se, “si partnerë dhe aleatë, ne ripërtërijmë përpjekjet tona për të mbrojtur të drejtat e çdo individi dhe komuniteti”.

Te kjo e fundit ajo përfshin, “adresimin dhe gjetjen e zgjidhjeve për format e rrënjosura të diskriminimit që prekin njerëzit më të cenueshëm në shoqëri duke përfshirë gra dhe vajza, popuj indigjenë, njerëz me origjinë afrikane, persona LGBTI, emigrantë dhe persona me aftësi të kufizuara”.

(1/2) On #HumanRightsDay, as partners and allies, we renew our efforts to protect the rights of every individual and community. This includes addressing and finding solutions for deep-rooted forms of discrimination that affect the most vulnerable people in societies…

— U.S. Embassy Tirana (@USEmbassyTirana) December 10, 2021

Demokracia, sipas ambasadës ka të bëjë me lejimin e shtypit që të sfidojë ata që janë në pushtet dhe të ndriçojë aty ku është më e nevojshme.

“Ajo u jep qytetarëve të drejtën e shprehjes fetare dhe mbështet ekzistencën e një gjyqësori të pavarur”.

Në përfundim të mesazhit, “Demokracia synon të nxjerrë në pah dhe të mbrojë këto vlera të përbashkëta që mbështesin shoqëritë demokratike”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.