Diplomati saudit vdes gjatë fjalimit të tij në Egjipt

Ambasadori i Arabisë Saudite, Muhammad Al-Qahtani ndërroi jetë gjatë fjalimit të tij në konferencën arabo-afrikane në Kajro.

Fjalët e fundit të cilat deklaroi diplomati ishin lavde në drejtim të presidentit egjiptian Abdel Fattah.

“Mbështetësi i njerëzve dhe një njeri i paqes”, tha Al-Qahtani, para se të rrëzohej dhe të vdiste.

Ngjarjet u dokumentuan në video dhe qarkulluan në rrjetet sociale.

Në video, shihet se si diplomati bie në tokë teksa mbante fjalimin e tij në një podium.

Në shesh ndodheshin dhjetëra persona që shikonin të shtangur vdekjen e ambasadorit saudit.

Deri më tani, autoritetet nuk kanë bërë të ditur shkakun e vdekjes.

Megjithatë, përdoruesit e internetit theksojnë se mund të ketë qenë arrest kardiak.

“Vdekje e papritur. Arresti kardiak është normal, mijëra raste çdo ditë”, tha një përdorues në Twitter.

Përdorues të tjerë theksuan se disa sëmundje kronike mund të jenë shkaku i vdekjes së zyrtarit.

Muhammad Al-Qahtani ishte një profesor i ekonomisë.

Gjithashtu, ai u njoh si themeluesi i organizatës saudite të të drejtave të njeriut të quajtur “Shoqata për të Drejtat Civile dhe Politike të Arabisë Saudite” (ACPRA).

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.