Diplomati austriak pyetet në Speciale për “ndalimin e serbëve dhe romëve nga UÇK-ja”
![](https://albanianpost.com/wp-content/uploads/2024/05/FotoJet-20.jpg)
Diplomati austriak, Jan Kickert, i cili kishte shërbyer në Beograd gjatë viteve 1997-1999, gjatë intervistimit të tij në Speciale nga prokurori John Capin, është pyetur për një dokument ku pretendohet se disa përfaqësues të Speciales së Sekretares së Përgjithshme të UNMIK-ut kishin njoftuar Hashim Thaçin – njëri nga eprorët e UÇK-së në atë kohë për lirimin e disa serbeve dhe romëve që pretendohet se mbaheshin në Prishtinë nga UÇK-ja.
Capin, e ka pyetur dëshmitarin Kickert nëse këto pretendime janë të sakta, ai u përgjigj duke e pohuar.
“Përfaqësues të Speciales së Sekretares së Përgjithshme, njoftuan Thaçin se KFOR-i kishte liruar disa serbë dhe romë që mbaheshin në një shtëpi pranë Prishtinës. Është fakt shumë shqetësues, që disa anëtarë të UÇK-së, të identifikuar qartë nga dokumentet e KFOR-it, kanë arritur tek shtëpia pak më vonë”.
“Ai i kërkoi fuqishëm Thaçit që të përdorur të gjithë ndikimin e tij për të shpërberë të gjitha qendrat e ndalimit të UÇK-së. Thaçi, premtoi se do të bëjë sa mundet dhe do të nxjerrë deklarate zyrtare. A e lexova saktë këtë dëshmitar?”, ishte e pyetja e prokurorit.
![](https://albanianpost.com/wp-content/uploads/2024/05/qorri.webp)
Nga prokurori u kërkua që ky dokument të pranohet si provë materiale, por që më pas u kundërshtua nga avokati i Thaçit, Luka Misetiç.
Ai tha se “dëshmitari nuk dinë asgjë për këtë takim, apo përmbajtjen e këtij dokumenti dhe kam edhe diçka tjetër që do të dëshiroja ta zhvilloja në seancë të mbyllur”.
Pjesë nga intervistimi i dëshmitarit Kickert në Speciale:
John Capin: Çfarë pozicioni ka pasur Ditman Unmik?
Jan Kickert: Po, ka qenë këshilltar politik dhe ka qenë pjesë e Kombeve të Bashkuara, që kanë krijuar UNMIK-un.
John Capin: Ju keni thënë në deklaratën e ZPS-së, se si këshilltar politik i UNMIK-ut, keni bërë edhe hartimin e memorandumeve dhe teksteve?
Jan Kickert: Po, memorandum kam hartuar por gjithashtu edhe kabllo informative. Buk është se i kam hartuar ato për sa i takon New York-ut, apo shtabeve tona, por unë ia dërgoj ato UNMIK-ut, e pastaj nga UNMIK-u dërgoheshin në shtabe apo në seli kryesore tona.
John Capin: Kur thua memorandum a do të thotë se edhe ju edhe zotëri Ditman në disa raste keni shkruar kabllograme të tilla?
Jan Kickert: Po. Kemi pasur edhe një këshilltar të tretë që në të njëjtën kohë merrej me të njëjtën natyrë të punës.
John Capin: A keni lexuar më herët këtë dokument, do të thotë do të doja të lexoni këtu tek titulli takim me Hashim Thaçin më 13 korrik?
Jan Kickert: Po, ma keni dërguar disa ditë më herët.
John Capin: Përfaqësues të Speciales së Sekretares së Përgjithshme, njoftuan Thaçin se KFOR-i kishte liruar disa serbë dhe romë që mbaheshin në një shtëpi pranë Prishtinës. Është fakt shumë shqetësues, që disa anëtarë të UCK-së, të identifikuar qartë nga dokumentet e KFOR-it, kanë arritur tek shtëpia pak më vonë.
Ai i kërkoi fuqishëm Thaçit që të përdorur të gjithë ndikimin e tij për të shpërberë të gjitha qendrat e ndalimit të UCK-së. Thaçi premtoi se do të bëjë sa mundet dhe do të nxjerrë deklarate zyrtare. A e lexova saktë këtë dëshmitar?
Jan Kickert: Po.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com