Diplomacia amerikane “distancohet” sërish nga Berisha: Nxisim aktorët të shqyrtojnë me kujdes angazhimet me figura të tilla

Diplomacia amerikane është distancuar sërish nga ish-kryeministri Sali Berisha duke theksuar se “nuk e kemi ndryshuar pozicionin tonë në lidhje me individë të shpallur (non-grata) në Shqipëri”.

Lajmi u bë i ditur nga ambasada amerikane në Tiranë, duke cituar njoftimin për mediat.

Në deklaratë, ambasada ravijëzon po ashtu se nuk është roli i saj që të zgjedhë se kush udhëheq partitë politike në Shqipëri.

Kjo, lidhur me situatën e tensionuar prej kohësh brenda grupit opozitar më të madh, Partisë Demokratike të Shqipërisë.

“Nuk është roli i ambasadës që të zgjedhë se kush udhëheq partitë politike në Shqipëri. Gjithashtu, nuk e kemi ndryshuar pozicionin tonë në lidhje me individë të shpallur (non-grata) në Shqipëri dhe nxisim të gjithë aktorët që të shqyrtojnë me kujdes angazhimet e tyre me figura të tilla”, u shpreh diplomacia amerikane.

Sipas ambasadës, Shtetet e Bashkuara besojnë se institucionet demokratike funksionale, përfshi një opozitë, janë jetike për çdo demokraci të shëndetshme.

Gjithashtu, Shtetet e Bashkuara takohen rregullisht me komisionet parlamentare në lidhje me legjislacion kyç, të tillë si ai për Avokatin e Popullit, i cili luan një rol të rëndësishëm në reformën në drejtësi, vërejti diplomacia amerikane në reagimin e saj për mediat.

19 maji shënon një ditë kalendarike të zakonshme si të gjithë të tjerat.

Por, jo për Sali Berishën dhe historinë e politikës në Shqipëri.

Në këtë datë, plot 2 vite më parë, ish-presidenti, ish-kryeministri, dhe ish-kreu i Partisë Demokratike u shpall non grata nga Departamenti Amerikan i Shtetit (DASH) duke u bërë kështu figura më e lartë që akuzohet nga Shtetet e Bashkuara për korrupsion.

Përpos njollës së zezë, ky vendim do të shërbente dhe si “shkak” për të tatëpjetën e opozitës në vend.

Fill pas njohjes me shpalljen, kryetari i asokohe i selisë blu, Lulzim Basha, do të përjashtonte Berishën nga grupi parlamentar demokrat.

Ky i fundit do të niste një tur, që më vonë u quajt si Foltorja.

Qytetarët e vendit përgjatë kësaj periudhe kohore panë akuza dhe kundërakuza që nuk ishin dëgjuar më parë.

Basha që për herë të parë artikulonte fjali që sulmonin Berishën për 21 janarin. Ai e akuzoi atë në mënyrë të drejtpërdrejtë për vrasjen e 4 qytetarëve të pafajshëm.

Berisha, nga ana tjetër, që deri një vit më parë nuk kishte qenë në dijeni të financimit rus të PD-së, kujtohet për ta lënë topin në portën e Bashës.

E kështu vijoi situata në PD me Kongrese dhe Kuvende.

2 vite nga shpallja non grata e Berishës, Déjà vu në PD

Berisha angazhon lobistin e diktatorëve për të hetuar shpalljen non grata

Sali Berisha, zyrtarisht persona non grata në SHBA

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.