Jetesë & Stil

Dikur, Soni Malaj paragjykohej për origjinën e saj nga Tropoja


Soni Malaj - Artiste

Këngëtarja shqiptare, Soni Malaj, e cila numëron vite në tregun muzikor shqiptar dhe njihet për personalitetin e saj të rezervuar, si rrallë herë së fundmi ka zbuluar se dikur në fillimet e saj ishte ndeshur me një mori paragjykimesh.

Soni ka thënë se është bulizuar dhe paragjykuar shumë në lidhje me origjinën e saj, Tropojën, teksa ka treguar se e kanë ngacmuar duke e quajtur “maloke”.

“Paragjykimi ka qenë shumë i madh. Thonin hajt se prej Tropoje, maloke”.

“Por nga e keqja ishte dhe e mira se nuk është se më ngacmonin shumë. Nuk kam patur ngacmime që mund të ndodhin shpesh në showbizz. E kam parë dhe nëpër komente këtë gjë.“, tregoi këngëtarja në një intervistë për “ABC News Albania”.

Mes tjerash, Malaj, ka folur rreth mësimeve që i kishte marrë nga i ati i saj i ndjerë, për të cilin këngëtarja ka thënë se ishte “adhurues i seriozitetit të gruas”.

“Babi ka qenë gjithmonë mashkulli tipik verior. Thoshte gjithmonë të jesh me këmbë në tokë, kishte pjesën e virtyteve, nuk e ka pas qejf mos seriozitetin”.

“Më thoshte ti je femër, duhet me qenë serioze. E kishte bezdi të mos paturit një personalitet të fortë dhe karakter”, ka thënë ajo.

Ylli i hitit “Të dua ty”, ka folur edhe rreth pjesëmarrjes nëpër festivale, ndërsa ka theksuar se “po të kishte mundësinë, do t’i kishte anuluar disa nga performancat e saj të bëra viteve të fundit”.

“Ndoshta disa pjesëmarrje nëpër konkurse muzikore do të doja t’i evitoja”.

“Gjatë karrierës do t’i kisha evituar, ose më saktë në disa prej tyre në vitet e fundit nuk do të doja të kisha marrë pjesë”, ka thënë ajo.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore