Marco Asensio është futur në listën e shitjeve nga Real Madrid-i.
Futbollisti spanjoll i mbretërorëve nuk po kalon fare periudhë të mirë në karrierën e tij.
Kur ai u shfaq para pesë viteve në skenë, të gjithë e konsideronin atë si të ardhmen e klubit të Real Madrid-it.
Realisht, dy sezonet e para për të ishin shumë të mira, duke marrë parasysh se roli i tij ishte si zëvendësues në formacion për Bale-in, Ronaldo-n, Isco-n ose Benzema-n.
Mirëpo, gjatë verës së vitit 2019, gjithçka u kthye për të keq për Marco Asensio-n.
Në një miqësorë përballë Arsenal-it, ai u lëndua duke pësuar këputje të ligamenteve të gjurit.
Ky lëndim, spanjollin nga Mallorca e mbajti jashtë fushave për afro një vit.
Dhe, që nga koha e rikthimit, Asensio nuk ka kaluar periudhë aspak të mirë.
Ai ka shënuar disa gola, por gjithmonë ka qenë një lojtar me vazhdimësi të dobët, duke u paraqitur mirë një herë e keq pesë herë.
Kjo, e ka shtyrë Real Madrid-i që atë ta fus në listën e shitjeve.
Tani, kanë mbetur vetëm dy zgjidhje, ta shesë verën që vjen ose t’ia rinovojë kontratën këtë vit, për të mos e humbur me parametra zero.
E para, duket më e mundur.
Deri më tani, tre skuadra kanë shfaqur interes për Asensio-n. Bëhet fjalë për Milan-in, Juventus-in dhe Liverpool-in.
Real Madrid-i deri në fund të sezonit do ta përcjellë nga afër situatën, madje edhe mendimi mund të ndryshohet përsëri.
Nëse Asensio paraqitet si kundër Mallorca-s, kur shënoi hat-trick, në vazhdimësi, ai mund të ketë një të ardhme në “Santiago Bernabeu”.
Në të kundërtën, Real Madrid-i do t’i shqyrtojë ofertat që vijnë për të. Asensio vlerësohet diku rreth 40 milionë euro.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Lajçaku “s’i lëshon pa marrëveshje” kryenegociatorët e dinarit – rreth pesë orë nga nisja e takimit trepalësh në Bruksel
-
Gërdeci/ Rrëzohet kërkesa për riekspertim ekonomiko-financiar, Mediu: Po kërkohet një kokë turku
-
Miqësia ‘pa kufi’ Putin-Xi do të vihet në provë gjatë vizitës shtetërore në Kinë
-
Molliqaj rreth “marrëveshjes” për zgjedhje: Krasniqi protagonist brenda opozitës, por vetëm në bazë të skenarit të Kurtit