Dërgesat e fundit të vaksinave do të arrijnë në Izrael

Izraeli pritet të marrë dërgesat e tij të fundit të vaksinës së coronavirus-it të Pfizer në dy javët e ardhshme.

Qeveria dhe kompania kanë nënshkruar një marrëveshje për dhjetë milionë doza të mjaftueshme për të vaksinuar rreth pesë milion izraelitë.

Zyrtarët e kujdesit shëndetësor thanë se rreth 500 mijë doza nga dërgesat e reja do të përdoren për t’u dhënë doza të dyta njerëzve që kanë marrë injektimin e parë.

Deri më sot, Izraeli ka administruar rreth 7.5 milionë doza të vaksinës Pfizer.

Dërgesat e reja duhet të sigurojnë vaksina të mjaftueshme për të përmbushur synimin e Izraelit për të vaksinuar pesë milionë njerëz gjë që qeveria shpreson të arrijë deri në prill.

Që nga e diela e 21 shkurtit, mbi 4.3 milionë izraelitë kanë marrë dozën e parë të Pfizer-it, prej tyre, mbi 2.9 milionë kanë marrë dozën e dytë.

Në mars, Izraeli pritet të marrë qindra mijëra doza të vaksinës Moderna. Izraeli ka blerë gjashtë milion doza nga kompania, mjaftueshëm për të inokuluar tre milion njerëz.

Burimet e kujdesit shëndetësor kanë hedhur pretendime se disa nga dozat mund t’u jepen palestinezëve që punojnë në Izrael dhe njerëzve që janë shëruar nga coronavirus-i, të dy grupet që ende nuk kanë të drejtë të vaksinohen.

Izraeli gjithashtu mund të nënshkruajë një marrëveshje tjetër vaksine me Pfizer-in këtë vit, këtë herë për të vaksinuar fëmijët nën moshën 16 vjeç. Kompania tani po kryen prova klinike për fëmijët e moshës 12 deri në 16 vjeç, dhe rezultatet do të publikohen në muajt e ardhshëm.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.