Deputeti ukrainas “akuzon” Rusinë për sulmin në depo nafte

Deputeti ukrainas Oleksandr Merezhko për programin “Newshour të BBC World Service”, ka sqaruar se pas sulmit në depon e naftës në Belgorod fshihet Rusia.

“Unë supozoj se mund të ketë dy shpjegime të besueshme për atë që kishte ndodhur në Belgorod. I pari është se ishte thjesht një aksident, për të cilin Rusia po përpiqet t’ia fajësojë Ukrainës. Por unë supozoj se shpjegimi më i besueshëm dhe më i mundshëm është se ishte një provokim rus”, tha ai.

Sa i përket kësaj të fundit ky është provokim i qëllimshëm është se ka dy arsye për të besuar në këtë version.

“E para është se nuk është në interesin e Ukrainës që të kryejë një operacion të tillë ushtarak në territorin e Rusisë, sepse është shumë i rrezikshëm dhe mund të çojë në më shumë përshkallëzim, gjë që është e rrezikshme në situatën tonë”, vijoi ai në fjalën e tij.

Sipas tij, “operacionet e flamurit të rremë janë shpjegimi më i mundshëm, sepse presidenti rus Vladimir Putin është i dëshpëruar tani në përpjekje për të justifikuar ose gjetur një pretekst për të shpjeguar disi agresivitetin e tij dhe agresionin e tij kundër Ukrainës”.

Sa i përket Putin-it, Merezhko tha se ai ka nevojë për një shpjegim të tillë për përdorim të brendshëm.

Rusët thonë se sulmi, në orët e para të së premtes, u krye nga dy helikopterë ukrainas.

Ndërkohë zjarrfikësit po punojnë ende për të shuar zjarrin. Belgorod ndodhet përtej kufirit nga qyteti i dytë më i madh i Ukrainës, Kharkiv.

Pamjet e verifikuara të kamerave të sigurisë nga depoja tregojnë dy helikopterë që fluturojnë ulët duke lëshuar raketa, të ndjekur nga shpërthime të mëdha.

Kremlini tha se sulmi nuk krijoi “kushte të rehatshme” për bisedimet e paqes, pasi goditja u shkaktua sipas tyre nga një sulm ajror nga dy helikopterë ukrainas.

Kompania ruse raportoi fillimisht se depot e karburantit në Belgorod dhe rajonet fqinje kanë rezerva karburanti për 15 ose më shumë ditë.

Ishte guvernatori rajonal Vyacheslav Gladkov, i cili akuzoi fillimisht ushtrinë ukrainase për shkatërrimin e depove të naftës në Belgorod.

Sipas tij, sulmi ajror u krye “nga dy helikopterë të Forcave të Armatosura të Ukrainës, të cilët hynë në territorin e Rusisë në një lartësi të ulët”.

Ai gjithashtu shtoi se nuk ka asnjë kërcënim për popullatën.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.